29
„Tjoemateh tălang badoeri , Lanta sapănoeh pamatang. Hari paneh ălang baboeni ; Awa lita , nan koening datang. "
Lah băngis Si Galang Banja , laloe ditoeroetnjå sakali , dikădjarnjå Si Oemboet Moedå ; ditari njå pariannjå , dihanta kannjå ka Si Oemboet. Nambe Si Oemboet ka kanai , parian lah tandeh patjah. Diambi' njå poelå laboenjå , dihampokannjå sakali ; diila kannjå di Si Oemboet : laboe lah tandeh rămoe -rămoe . Ditari'njå poelå galoe'njå , dibahekannjå ka Si Oemboet ; nambeSi Oemboet ka kănai, galoe lah antah kamá-kamá. Bakatå Si Oemboet Moedå :
„Lah lareh silarå kopi ,
Dihimpit salodang pinang.
Ka soemoer ta djadi mandi ,
Galoe digănggam lah hilang.
Dăngarkan saboeah lãi :
„Pălam nan sarangkai koening ,
Didjoeloe sarangkai moedå ,
Lah disembar bidadari ,
Disembar laloe dimakannjå.
Ko ta djadi. djå nan koening ,
Awan batăpoe , goenoeng lagå ,
Boelan basembar djå mantari ,
Koenoen kasih ka tjărai tidå.
Ko' dape karambil toemboeh ,
Den tanam di bawah djandjang.
Ko' boelih katå nan soenggoeh ,
Den goenggoeng, den baå tarbang."
