44
lălo' nan ta' bangoen lăï ; nasi dimakan raså săkam , ăïr diminoem sambiloean. Banja lah oerang nan maoebe', banja lah tawar takanakan , banja lah tamba tatambakan, oebe lah sapănoeh roemah, tawar lah batjawantjawan , lămpo lah batimboen-timboen ; sakit basarangkan sangat , panjakit mangkin mandalam. Lah hilang akal bapanjå , lah maboe hati mandainjå , amat boedi habis bitjarå mantjăli Si Galang Banja . Lah sahari Si Gălang sakit , lah doeå hari injå talăta , tjoekoep katigå harinjå , toemboeh pikiran di bapanjå , takănal bănar di mandainjå , ditanjåinjå Si Galang Banja : „O oepi Poeti Gălang Banja ! Apå kau ko lah nan sakit ? Tjoebå katåkan djå ka kami , na tăntoe nan ka ditjari , ko' oebe' nan ka diminta' ."
Mandjawab Si Gălang Banja : „ Inda tăntoe nan má nan sakit: badan ba raså bajang-bajang , darah den tasimboer-simboer, hati den maïsos -iso , kapalå raså ka rangkah ; nasi den loeloer raså doeri, aïr den minoem pahit-pahit. Wa den taraga di Oemboet ; tjarikan baa den oemboet , ka rănah Kampoeng Tibarau ! "
Mandăngar katå nan ba kian , bakatå mandai Si Gălang : „O toean bapa Si Galang , o toean bapa Si Oepi ! păï lah djoeå toean dăreh , ambi lah oemboet toe lăkeh , ka rănah Kampoeng Tibarau ; sakit ko lai ka sănang."
Ka baa poelå lai lãi , lah badjalan apa Si Galang , badjalan bagoeloet-goeloet , badjalan bagageh-găgeh , karănah Kampoeng-Tibarau. Lah sabantar njå badjalan , lah doeå băntar njå badjalan , dako basarangkan hamping , hamping basarangkan dăko , dăko lah hamping ka tibå , lah tibå injå di sinan , iå di rănah Kampoeng Aoer ; diambi oemboet tibarau, dipatjoe babali poelang. Badjalan bagoeloet-goeloet ; hati tjămeh darah ta sănang : Si Gălang sakit ditinggalkan. Sărtå tibå injå di roemah ,
