Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Dari djaoeh oerang lah datang , nan hamping oerang lah tibå ; nan dahoeloe tibå koedian , nan koedian tibå dahoeloe ; dari boekit oerang manoeroen , dari loerah oerang mandaki ; nan boetå datang baïrit , nan loempoeh datang badoekoeng , nan pintjang tendja-tendjai. Ale lah sapănoeh roemah : toeankoe salå-manjalå , koʻ maälim lah tio soedoet , pangoeloe ta tabilang poeloeh, oerang rănah Kampoeng Tibarau. Bakatå apa Si Gălang : „O oepi Poeti Gălang Banja , bangoen lah oepi bangoen lah , djagalah ana djagå lah ! Kå måh ale lah tibå. Mangapå wa kau lălo djoeå ; ălah kở sănang sakit kau ?"
Lah djagå Si Gălang Banja' ,'talaloe doedoe' sakali , badjalan toeroen ka bawah , dibasoeh moekå sabăntar , lah naï poelå babali . Lah hange hati bapa njå , mantjăli Si Gălang Banja lah pandai badjalan-djalan, lah pandai manggănti kaïn.
Adå sabăntar antarånjå , barawari Si Gălang Banja , dipandang hilir djå moedi' , dilengong tăngah djå tăpi ; pandang djaoeh dilajangkan , pandang hamping ditoekikan , pandang roesoe digendengkan. Lah tampa oemat samoeånjå, gădang kete , toeå moedå , laki- laki parampoean ; baï imam baï katib , baï mănti djan pangoeloe, pagawai soekar mambilang , rang rănah Kampoeng Tibarau. Saoerang sadjå nan ta nampa, saoerang sadjå nan ta datang : Si Oemboet Moedå nan ta adå. Babali Si Gălang tidoer, lalo nan ta djagå lăï ; sakit basarangkan sangat, panjakit basarangkan kăreh.
