51
răntang padjalaman , tjoekoep tigå räntang pandjang, dăko basarangkan hamping , hamping lah dăko ka tibå , lah tibå injå di sinan, di rănah Kampoeng Tibarau , di roemah amai Si Oemboet. Bahimbau apa' Si Gălang :
„O Oemboet djå den di ang ai , lăï di roernah wa ang toe kini ?"
Mandăngar katå nan ba kian , manindjau adi Si Oemboet, nan banamå Poeti Ramboen Ameh. Lah nampa apa Si Gălang , bakatå Si Ramboen Ameh : „O bapa' ! djå den di bapa',
Tjoebăda' tăngah halaman ,
Didjoeloe' djå ǎmpoe kaki.
Djan lamå tăga' di halaman ,
Toe tjiboe , basoeh lah kaki ;
bapa naï lah dahoeloe !"
Lah naï bapa Si Gălang , lah timbang salå manjalå , doedoe basirih-sirihan , doedoe' bapinang-pinangan , makan sirih sakapoer saoerang ; habis manis săpah taboeang , kăle tinggal dirakoengan , pareso habis taloeloer, sarilah ka boeboen-boeboen; sădang elo patoetoeran, sădang loenggar pakăbaran, diangsoer sakali roendingan . Bakatå bapa Si Galang : „ Ooepi Poeti Ramboen Ameh !
Boekan den kinari sadjå,
Kinari ana rang Tălang.
Boekan den ka mari sadjå ,
Gădang makăsoed nan den djalang !
Dăngarkan djoeå lah di kau :
Boekan den ka rimbå sadjå ;
Ka rimbå manăbang sampir .
Boekan den ka ikå sadjå ,
Ka ikå datang mamanggil ,
mamanggil Si Oemboet Moedå. Di manå awa njå kini ?"
