52
Mandjawab Poeti Ramboen Ameh : „Ko itoe bapa tanjåkan , ko itoe bapa katåkan ; lăï injå di roemah kini , injå lǎlo ateh andjoeng , baroe sabăntar kå njå tidoer . "
Bakatå bapa Si Gălang : „ Tolong baï lah di hambå, tolong djå djărih lah sabăntar, tolong lah baʻa djagåkan; katåkan den datang mamanggil; tabaå kini handa njå. Katåkan baëlos - elo ! "
Mandjawab Si Ramboen Ameh : „O bapa ! djå den di bapa , oesah bapa băngis baïkå , elo lah băngis kini djoeå. Oekan hambå sågan manolong , oesah tå ănggan disarajå ; takoet lah hambå mandjagåkan, takoet lah hamba mambangoenkan ; sabab injå baroe takălo, poelang mandoa tadi malam. Bapa babali lah dahoeloe , bapa poelang lah satarå ; baïkå injå hambå djagåkan. "
Mandjawab bapa Si Gălang : „Ko itoe nan kau katåkan , biarlah na den nantikan , sampai tasinta Si Oemboet Moedå ; măngkå njå sănang hati den, saïring kami badjalan. " Bakatå Si Ramboen Ameh : „ Koitoe bapa djan roesoeh , itoe djan bapa risaukan ; malah injå tasinta baïkå, hambå soeroeh badjalan sakali. Inda ka bårá dåh lamånjå , badjalan sahamping ikå ! "
Lah badjalan bapa Si Gălang , lah sarăntang padjalanan , lah doeå räntang padjalanan , tibå injå tăngah halaman, laloe naï injå sakali. Batanjå Si Gălang Banja : „ O bapa ! djå den di bapa , má tå oerang nan didjăpoet; manå oerang nan dipanggil; ba'a aloem tibå djoeå; baa njatå ǎloem tabaå ?"
Mandjawab bapa Si Galang : „ Den toeroet bănar ka roemah amainjå , den păï bănar ka kampoengnjå, ka rănah Kampoeng Tibarau ; basoeå Si Oemboet sådang lălo. Den soeroeh djagåkan di adinjå , takoet injå mandjagåkan ; sabab Si Oemboet baroe takalo, poelang
