56
Lah pane bapantoen-pantoen , lah păsai batoetoertoetoer, lah doedoe Si Oemboet Moedå. Di mana awa njå doedoe? Doedoe di kapalå djandjang. Sărtå nampa di Si Gălang Si Oemboet doedoe di sinan , bakatå Si Gălang Banja : „ O bapa ! djå den di bapa'; pandang bănar djå di bapa , lië banar djå di bapa, pandang djå oedjoeng djå pangkal, lengong lah hilir djå moedr ; doedoe oerang ko lai elo , nan di tăngah ko takatăpikan, nan di tapi ko takatangahkan! "
Mandăngar katå nan ba kian, lah tăga bapa Si Gălang ; dipandang hilir djå moedi', dilengong oedjoeng djå pangkal; pandang djaoeh dilajangkan , pandang hamping ditoeki'kan, pandang roesoe' digendengkan. Lah nampa Si Oemboet Moedå doedoe di kapalå djandjang, ditoeroetnjå di bapa si Galang, dibaånjå doedoe ka tăngah. Bakatå apa Si Galang : „O boejoeng Si Oemboet Moedå , boejoeng bakisar lah doedoes , boejoeng barandja lah dari sitoe , ka karosi ameh nangkå; djan boejoeng di sinan djoeå ! Salah roepå ditjăli oerang ; salah roman dipandang oerang."
Mandjawab Si Oemboet Moedå : „ O bapa ! djå den di bapa : padå pikiran hati hambå lah patoet hambå doedoe ' sikå. Mangapå hambå ka barasa ; mangapå hambå ka bakisar, ka ateh karosi ameh nantoen ; apå nan läbih padå hambå; apå oebahnjå djå 'rang lain , măngkå hambå ka doedoe kioen ?"
Bakatå bapa Si Gălang : „ O boejoeng Si Oemboet Moedå! saboelih băli djå pinta , palakoekan kahanda den; boejoeng kawin kini djoeå djå Si Poeti Gălang Banja! "
Barawari Si Oemboet Moedå : „ O bapå ! djå den di bapa sarătå nini mama hambå , nan doedoe di roemah nangkå , minta ampoen hambå banja -banja , dăngarkan hambå baïbarat:
