58
Mandăngar katå nan ba kian , tatjangang oerang nan banja . Bakatå apa Si Gălang : „O , boejoeng! nambe ang păï boejoeng , nantji ang badjalan, nantikan ale na lăpeh, minoem makan malah dahoeloe! "
Mandjawab Si Oemboet Moeda: „Ko itoe bapa katåkan, iå poelå nan di bapa'; akan tatapi lah sakete, taniat tanazar di hati hambå; hambå na badjalan djaoeh, hambå na bali mangadji. Bapa lăpeh lah dahoeloe, lăpeh basoekå lah den kini :
Sikoedjoer baladang kapeh ,
Kămbang lah boengå paraoetan .
-Ko' moedjoer mandai malăpeh ,
Ba ajam poelang ka paoetan. "
Mandăngar katå nan ba kian , kaloear Poeti Gălang Banja , bakatå sambil manangis : „O toean , toean Oemboet Moedå , apå nan maraso di hati ; apå nan basalahan di matå , măngkå toean ka badjalan ? Tjoebå katåkan lah ka hambå ! "
Mandjawab Si Oemboet Moedå :
„Poetoes badănting tali răbab ,
Dihimpit tanah badărai.
Adi djan mananjå sabab ,
Oentoeng nan mambaå sangsai.
Dăngarkan djoeå lah di kau :
Baboeroe ka padang datar ,
Kănai lah roeså bålang kaki ,
Balimau poeroet den dahoeloe.
Bagoeroe kapalang adjar ,
Ba boengå kămbang ta djadi ,
Babali soeroet den dahoeloe ;
wa' den ka bali' mangadji. Lăpeh barilah lah den di kau, lapeh djå hati nan soetji , lăpeh djå moekå nan djărnih ;
