61
„Apå dirăndang di koeali ,
Băreh siarang tigå saja .
Apå dipandang padå kami ?
Ameh koerang , goenå poen tida .
Soelasih di baroeh tampat ,
Toemboeh saroempoen djå hampăleh .
Bakasih adi djå nan bangsat ;
Goenå djå apå ka dibaleh ?
Limau poeroet balimbing băsi ,
Makan sadidis boeë garam.
Djan ditompang oentoeng kami :
Bidoe tiris mananti kăram .
Simantoeng di tapi aïr ,
Rantingnjå ambi pamoeloet ,
Pamoeloet boeroeng ramba Tjinå ,
Singgah ka poelau makan padi.
Adi' kandoeng tjoebå lah pikir ,
Băgå ka kănai elo soeroet ;
Awa' moeliă mandjadi hinå ,
Răndah bangså sabab de kami."
Mandjawab Si Gălang Banja :
„Ajam koeri rombajan tădoeng ,
Ikoer badjelå dalam padi ,
Ambi lah saja bări makan.
Dalam daerah Toedjoeh Kampoeng ,
Toean saoerang tampe' hati ;
Nan laïn djadi diharamkan.
Ikan banamå gambå lelan ,
Moedi ' manggoenggoeng ana dama .
Toean sapantoen gambar boelan ,
Endah di matå 'rang nan banja .
