Lah toeroen Si Oemboet Moedå ; dirătja koedå nan bălang , dipatjoe babali poelang , sakidjap matå lănjo sakali. Manangis Poeti Gălang Banja', manangis marato pandjang , mahampeh-hampehkan badan , bagole -gole di tanah , talaloe păngsan sakali. Tatjangang ale nan drage banja , balari samoeå njå ka halaman; diranai Si Gălang Banja , dipalai ka ateh roemah. Di hari sahari nantoen, inda' oerang rintangkan apå, dimaboe Si Gălang sadjå.
Kabar baralih tăntang nantoen ; soenggoeh baralih sinan djoeå ; baralih bakeh Si Oemboet. Lah tibå injå di roemah , laloe naï injå sakali. Bakatå Si Oemboet Moedå : „O , oepi Poeti Ramboen Ameh , adi isikan djå băkal , wa den ka bali păï mangadji ; tinggal lah wa kau di roemah ! Saboeah nan ka pitaroeh den , nan ka kau patjitkan bănar : Ko mati Si Galang Banja , mati sapaninggal den , baåkan pajoeng pandji kau , baåkan kaïn ka kapannjå ; koeboerkan ka Boekit Si Langoeng.nKatåkan ba itoe ka apa njå ; kabarkan ba nantoen ka amainjå ; katåkan bahaså pitaroeh den ! "
Mandjawab Si Ramboen Ameh : „Ko itoe nan toean katåkan , insja Allah baï lah itoe ; hambå patjitkan ăre -are , hambå pågangkan tăgoeh-tăgoeh! " Lah badjalan Si Oemboet Moedå ; lah sahari injå badjalan , tjoekoep tigå hari pape , tibå injå di soerau goeroenjå , nan
