65
bagălar Toeankoe Imam Moedå ; lah mangadji Si Oemboet sinan
Inda lamå antarånjå , sapaninggal Si Oemboet badjalan , lah sakit poelå Si Gălang , lalo nan ta djagå lăï ; makan tidå , minoem tidå ; sangat padå nan dahoeloe , lătih padå nan saïsoe . Banja lah doekoen nan maoebe , banja lah tawar takanakan ; banja lah tamba tatambakan, oebe lah sapănoeh roemah ; tawar lah batjawantjawan ; djankan samboeh tambah sangat.
Kajoe kăle toemboeh di Gănting ,
Baoere babanir tidå .
Oebe' djaoeh , panjakit hamping ,
Batawar salilir tidå.
Lah sapăkan injå sakit , lah doeå påkan antarånjå, lah pajah Si Gălang Banja , lah njå kăloeh-kaloeh kasah. Hari toe hari Djoemaät , sădang boentar bajang-bajang , sădang lita -lita andjing , sådang lăngang lăngis oerang, sădang sano soeni oenggeh , sădang sitjindai bagăloet. Bakatå Si Gălang Banja : „ O bapa ! djå den di bapa , o mandai ! djå den di mandai: iman den alah bakoetja , lah lămah săndi toelang den; ka sampai adjaloe'llah den ; nan poenjå lah datang mandjăpoet. Bări maäf den di bapa , bări ampoen den di mandai ; rilahkan djărih pajah bapa' , rilahkan air soesoe mandai ; djawe sălam di nan tinggal ; hamhå badjalan hanjå Rasen lai ! ”
Mandăngar katå nan ba kian , băndoeng rato bapa mandainjå , mahampeh-hampehkan awa , malătjoetlătjoetkan badan , maroentoen-roentoeni aboe .
Ka baa poelå lai lăï :
Pidoli , Kotå Sijantar ,
Pandan malilit Panjaboengan .
Njaå poetoes , badan tahantar,
Aroeh mangirap ka djoendjoengan.
