67
Dăngarkan djoeå lah di kaka' :
Kărbau nan gådang ka bantaian ,
Toendjang siapå ka mambăli .
Kaka di maksoed ka pakaian ;
Hilang djå apå ka digănti ?
Kaïn poetih săsah djå saboen ,
Baå ka aïr , boeang daki.
Kaka sapantoen kasah-ămboen ,
Hilang ka manå ka ditjari ?
Baroeëh-roeëh boekoe djagoeng ,
Baroeëh sampai ka boekoenjå.
Poeëh hati toean kandoeng ,
Kaka badjalan de lakoenjå.
Baroeëh-roeëh boekoe djagoeng ,
Baroeëh poelå boekoe tălang.
Poeëhlah hati toean kandoeng ,
Kaka den tabaring saoerang."
Mandăngar rato Si Ramboen , manangis poeti nan barănam , marato' manggaroeng pandjang : „O adi' Poeti Gălang Banja :
Sădja, samoelå den latåkan ,
Tida' dilata dalam padi ,
Batang sitakå dihampaikan.
Sădja samoelå den katåkan ,
Tida dilăta dalam hati ;
Kami djoeå marăsaikan.
Biå-biå di Goenoeng Padang ,
Soelasih baå ka päkan .
Roemit bedå kasih ka dagang;
Awa' kasih , injå badjalan.
