68
Lah sabäntar oerang marato , lah doeå bäntar maït taboedjoer , takănal bănar di Si Ramboen , takirå păsan toeannjå , pitaroeh Si Oemboet Moedå. Bakatå Si Ramboen Ameh : „ O mandai ! djå den di mandai : dăngarkan na' den katåkan , tatkalå toean Oemboet ka păï , bapitaroeh injå båkeh hambå. Apå lah nan pitaroehnjå ? Ko mati Si Galang Banja , mati sapaninggal hambå , baåkan pajoeng pandji kau , baåkan kain ka kapannjå , koeboerkan ka Boekit Si Langoeng ! Ba itoe djărnjå toean Oemboet. Kå måh pajoeng amai hai , amai toedoengkan ka kaka den ; kå måh kaïn sakajoe , ka kaïn kăpan di kaka den ! Nan sakarang kini nangkå , maït lah lamå tăngah roemah ; maït lah lamå baboedjoer ; elo lah kitå koeboerkan ka poentja Boekit Si Langoeng. Djan kitå tangisi djoeå ; djan kitå ratoi djoeå!"
Mandjawab amai Si Galang: „Ko itoe nan kau katåkan , kitå baå målah lãi ka poentja Boekit Si Langoeng."
Ka baa poelå lai lăï : lah badjalan oerang nan banja , maoesoeng maït Si Galang , ka poentja Boekit Si Langoeng. Lah sabantar oerang badjalan , lah doeå băntar antarånjå, lah tibå oerang samoeånjå, di poentja Boekit Si Langoeng. Lah ditanamkan maït nantoen , dikănakan pantjang koeboer, dilăke kan langit-langitnjå.
Kabar baralih tantang nantoen ; soenggoeh baralih sinan djoeå , baralih bakeh Si Oemboet. De lamå bakalamåan , ălah tjoekoep tigå hari maït Si Gălang dalam koeboer , toemboeh mimpi di Si Oemboet. Apå lah katå mimpinjå ? Bamimpi kahilangan boeroeng , barasian kahilangan detar. Tasinta Si Oemboet tidoer , talaloe djagå sakali ; manangis maïsa - isa . Lah sabăntar njå manangis , takănal bănar hanjå läï ; toeroen injå sakali , păï ka loea mambasoeh moekå ; diambi' aïr sambajang ,babali ka ateh soerau. Sărtå soedah injå sambajang ,batanjå injå ka goeroenjå : „O goeroe , djå den di
