75
Alang di djoengoet Batoe mandi ,
Kararănggå mandjes rangkiang.
Batang toeboeh boelih diganti ,
Roepå nan ta koendjoeng hilang.
Poenai di boekit Tamboen Toelang ,
Kănai haraban doeå- doeå.
Roepå nan ta amoeh hilang ,
Raså di matå tampa djoeå.
Mangaboet api Poelau Poendjoeng ,
Rang mamăroen rimbå rajå ,
Maksoed hati na bagantoeng ,
Toean anggan , apåkan dajå ?”
Bakatå Si Oemboet Moedå :
„Tinggi boekit Goenoeng Padang ,
Băkeh 'rang batanam tjăkoer.
Sădja adi tadăngar hilang ,
Hambå nan ta lalo tidoer.
Katara djalan ka taroekå ,
Djalan oerang mambali padi.
Hati roesa , badan binaså ,
Tăgal de pandai maïn boedi.
Kaïn poetih săsah djå saboen ,
Baå ka aïr boeang daki.
Adi sapantoen kasah ämboen ,
Hilang djå apå ka digănti?
Lajang-lajang manjembar boeih ,
Dibali poelau Angså Doeå.
Kasih sajang ditjari boelih ,
Tampe hati larang basoeå.
