82
den di mandai ; o bapa , djå den di bapa ! Mangapå bapa de manangis ; mangapå mandai de marato ? Ta patoet bapa manangis ; ta oekoer mandai marato ; patoet basoekå-soekå bănar : nan hilang alah koembali , nan mati lah soeroet hidoep ! Bakaoel-kaoel lah bapa , baniat-niat lah mandai , mamoedji kapadå Allah ; djan mamoedji băkeh hambå ! "
Bakatå bapa Si Gălang : „ Insja Allah baï lah itoe! Nan sakarang kini nangkå, boejoeng palakoekan kända den , boejoeng bări lah pinta kami ; boejoeng kawin kini djoeå ; boejoeng nikah sahari kå djå Si Poeti Gălang Banja ! "
Mandjawab Si Oemboet Moedå : Ko itoe bapa katåkan , ko itoe nan kahanda bapa , insja Allah baï lah itoe ! "
Lah kawin Si Oemboet Moedå di hari sahari nantoen . Sărtå soedah nikah didjawe , nasi ditating oerang poelå , minoem makan sakali lăï ; sărtå soedah minoem djå makan, dibatjå doa salamat. Lah salăsai oerang mandoa, bakatå bapa Si Gălang : „O boejoeng Si Oemboet Moedå, saboeah lăï kahanda den , sabagai lăï nan dipinta : boejoeng babali poelang dahoeloe, iå ka rănah Kampoeng Aoer; boelih kita malăpeh niat , boelih kitå mambaïr kaoel ; barăle gădang poelå kitå ! Manå lah nini' dăngan mama , sagalå sana soedarå hambå , gădang kete toeå moedå , laki-laki parampoean , nan halir di ale nangkå , gădang ta ka tasăboet gălar , kete ta dihimbau namå ! Bări maäf hambå banja -banja , minta ampoen hambå gădang-gădang ; boekan tå ka dipamoerah-moerah , maminta hambå soenggoeh-soenggoeh : kitå batoela samoeånjå , ka rănah ka Kampoeng Aoer , ka roemah Poeti Gălang Banja ! Biar na habis sawah ladang , biar na tandeh hartå bändå; barang tahiroen na tadaging , barang tadaïng na tatoelang ; kitå barǎle
