85
Aoer. " Bakatå oerang nan banja: „Insja Allah , baï lah itoe !"
Ka ba a poelå lai lăï , basegeh Si Galang Banja laloe mamakai injå sakali ; bakameh Si Oemboet Moedå, mamakai tjarå 'rang Boegis , lah badetar saloe timbå ; basamping kaïn Palembang ; dibaåkan langkah limå , soeroet ka langkah nan ampe' ; tăga badiri bătoel , ditenggar tjărmin nan gådang, dipandangi bajang-bajang; tăga ka tăngah bamănoeng , tăga ka tapi manăgoen ; nan dilenong tjintjin kiri , nan dipaling tjintjin kanan ; badjalan toeroen sakali.
Ka baa poelå lai lăï , lah badjalan oerang nan banja , badjalan babondong-bondong , badjalan badoejoen-doejoen. Allahoe rabbi banja oerang ! Pangoeloe baratoesratoes , pagawai bariboe-riboe ; barapå imam dăngan katib, maara' Si Oemboet Moeda. Rasa kiamat boemi Allah : barapå găndang djå rabanå ; boeni bădil marăndang katjang; raså ka paka nan mandăngar; barapå sora' dăngan sorai; barapå tăpoe dăngan tari. Tjandå saroban lah mamoetih , detar bakăroet lah mahitam.De lamå laroet di djalan , dăko lah hamping ka tibå ,tibå lah oemat samoeånjå di rănah di Kampoeng Aoer. Toeroen lah poeti nan barănam , mambaå aïr di tjiboe , mambaå båreh bakoenjit, manjonsong Si Oemboet Moedå. Lah naï oerang samoeånjå. Sărtå tibå di ateh roemah , baboeni rabab djå koetjapi , baboeni gandang djå tjalempong; barapå saloeng dăngan poepoet , poepoet 'rang rănah Kampoeng Aoer , mananti ale nan datang. Lah djime ăle habis datang , bakatå bapa Si Gălang :
„Pătai nan barangkai-rangkai ,
Pătai nan badjindjing-djindjing.
Datoe nan di oedjoeng lantai ,
Datoe' nan di lingkoeng dinding !
