87
den takirå di kampoeng den ; tå kitå păï ka kioen , ka rănah Kampoeng Tibarau , păï batămoe djå Si Ramboen." Mandjawab Si Galang Banja : „Ko itoe toean katåkan , inda hambå ka batanggoeh ; ka barang tape djărnjå toean , ka barang tape toean baå , hambå inda mandoeå hati; tapi sakete nan pinta hambå : bakatå toean sapatah , bakăbar toean sakete , minta idjin malah dahoeloe băkeh andai bapa kitå , na sănang hati baliau ! "
Bakatå Si Oemboet Moedå : „O amai, djå den di amai, o bapa , djå den di bapa ! Bări idjin hambå dahoeloe ; hambå na poelang koembali ka rănah Kampoeng Tibarau ; Si Gălang na samå poelå ! " Manangis amai Si Gălang , manangis isa -isa'i : „Ko itoe boejoeng katåkan, iå lah roesoeh kirå-kirå den ; ko matå den băloem poeëh , ko hati den ǎloem lăpeh mamandangi kalian kadoeånjå. Tapi ko ba itoe pinta boejoeng , baa djå kami manidakan ; baa djå kami manahani ? Boejoeng păi malah dahoeloe , boejoeng poelang malah dăreh ! Saboeah nan pinta kami: djan lamå boejoeng badjalan ; djan lamå kami ditinggalkan. Ikå djinis badan kami , ikå lah roepå toeå badan ; haoes ka manå minta aïr , lapar ka manå minta nasi ; roesoeh ka manå dikatåkan ? Ko toemboeh sakit ngăloe păning , siá lah nan ka denai himbau; siá lah nan ka manggilåï ? Antah balakoe păra siang , ăntah mati tăngah djalan ; apå tenggang akal kami ?" Mandjawab Si Oemboet Moedå : „ Ko itoe amai katåkan , itoe djan amai roesoehkan ; itoe djan amai risaukan , itoe djan bapa tjämehkan ! Satahoen mandai ta basoeå , doeå moesim bapa ta batămoe , sahari haram den loepåkan. Ko lăï oentoeng pambări Allah , ko ta adå marå malintang , tida sakit ngăloe păning , lăkeh kami babali soeroet !"
Bakameh Si Gălang Banja , basegeh Si Oemboet
