53
Alah duo bulan lamonjo rami lalu bakato maso itu: „Manolah adiak Kambang Luari pai malah djapuik kudo dari kandang lakekkan sakali malah palanonjo kito ka pai dang kagalanggang lakekkan pulo malah badju adiak", lalu dibarikan pulo malah pakaiannjo Kambang Luari.
Dek urang Kambang Luari gadangla hati samaso itu basigaplah injo malah lai mandjapuik kudo kadalam kandang. Alah dilakekkan malah palano kula lalu dihirik malah kudo, ijo kahalaman ramah gadang hai gadang tidak tabado tapikia pulo di dalam hati: „Mungkin djuo denai ka pai kawin".
Bakato Nangkodoh Baha: „Manolah adiak_kanduang Kambang Luari ratjaklah kudo nan sikua lai kapik malah ajam nangko kito badjalan hanjo lai". Lah badjalan maso itu maratjak kuda sikua surang Kambang Luari mahiriangkan di balakang banjaklah kampuan gnan talampau banjaklah dusun tasinggahi dak lamo lambek nan didjalan djauah barang dakek djuo kok dakek tibolah garan ijo digalanggang Puti Tjindai Taberai didapati galanggang sangaik raminjo ba matjam2 parmainan anak nagari ado bamain sepak rago ado bamain dadu puta ado mamupuah djo manjabuang.
Kok ditangah balai nan rami nantun lorong kapado Budjang Duano tidak pulo injo katinggalan injo nan nan turutan anak mudo2 sangaiklah djombang tampaknjo samaso itu. Dek urang Sutan Radjo Ali sarato djo Puti Bungsu namandang sadjo dari djauah sanan rasonjo paratian. Pado maso dewaso itu tampaklah dek Puti Bungsu Nangkodoh Baha datang dihiriangkan dek urang surang sadang mangapik ajamlah tu kitonjo lalu di pandang2 bana sanan di patuik2 dihirehi kironjo tuan
