apo sababnjo angku semba taruah ajam tidak elok angku nan bak nantun".
Sanan mandjawab Nangkodoh Baba: ,,Manolah ang bujuang djanjo denai usahlah ang sabuik duo kali таntangan munang kok dihambo nangko manang nan suko manarimo kok kalah pantang mambajia tidakkoh ang danga baritonjo kan hambo nan bagala Nangkodoh Baha tidak ado nan lunak nan tidak denai sudu tidak ado nan kareh nan indak denai takiak".
Kununlah dek Budjang Duano mandjawab injo masa itu: „Manolah angku Nangkadoh Baha koknjo baitu sipat angku itulah sipat dek urang nan indak bahati djo badjantuang. Namuah angku marampok ditangah galanggang rami apo bana nan kurang dek angku koknjo radjo angku kan ijo lah radjo koknjo kaja angku kan ijo lah kajo tapi ditaruah nan sakarek nan indak sabarapo banjaknjo itu namuah angku marampok ditangah galanggang”.
Dek urang Nangkodoh Baha indakojo paduli dikato nantun taruah disimpannjo djuo samaso ita lalu bakato hanjo lai Manolah ang urang nan mudo eloklah ang babaliak pulang pailah djapuik bapak djo mandeh ang koknjo sarupo ang nangko tidaklah ka tatahan doh tangan den", lalu dicjubo manampa Budjang Diano.
Tipak dek Budjang Duano samaso itu tangan ka tibo injo mahilak ruponjo dek kuat bana Nangkodoh Baha mahajunkan tangan nan susaran tidaknjo kanai djatuah tadjarambok samaso itu. Tidak tabado berang batinjo sabab badampam bunjinjo djatuah mato lah merah nan bak sago manggarik2 sisunguiknjo badju lah kumuah kanai luluak lalu tagak hanjo lai diulang ma-
