65 ―
bakato Puti Tjindai Taberai : „Manolah tuan djanjo hambo eloklah sugiro tuan naik kaateh rumah usahlah lamo tagak di galanggang kok salah tjandonjo di pandang urang”.
Badjalanlah Sutan Radjo Budjang dihiriangkan dek Puti Tjindai Taberai sarato Inang djo pangasuah dek lamo lambek nan didjalan lah tibo ditangah halaman lalu naik ka ateh rumah diduduaklan tjando Sutan Raj0 Budjang ijo diateh kasua Manggalo. Baru sabanta injo duduak sanan bakato Puti Bungsu : „Manolah kakak kanduang Kambang Luari tolong dek kakak djo bitjaro nan tabadok niat djo mukasulk Kite eloklah kakak mahantakan parundingan kito’.
Tipak dek Kambang Luari bakato injo maso itu : „Manolah Niniak dengan Mamek sarato Pangulu djo Handiko nak sarato Alim Ulama djo Tjadiak Pandai mahadok hadang ditangah rumah nangko sa buliah2 bali djo pinto mamintak hambo sungguah2 koknjo lai kato samufakat ijo handak mangawinkan adiak kanduang hambo nan banamo Puti Tjindai Taberai dengan Sutan Radjo Budjang adiak kontan dek tuan Sutan Radjo Ali”.
Dipeklah kato samufakat lalu dibatjokan katubah Nikah alah badjawek Idjab dengan Kabul sulasailah sudah kawinnjo Sutan Readjo Budjang dengan Puti Tjindai Taberai alah dibatjokan malah do‘a salamat.
Sasudah minum dengan makan sudah marokok makan siriah halek mamuhun mintak pulang hanjo lai ijo katampek masiang2
