Urang santiang-taraso awak lah santiang pulo.
Allah sahari duo hari-lah sampai hari nan sapakan-lah tibo di maso janji-dinikahkan malah Sutan Karangan-iyo jo Upiak Nilasari-baralek bajadi-jadi-pihak kapado nan padusi. Pado hari sahari nantun-balirik oto di halaman-oto sagalo rang bapangkat-nan diundang datang baralok-ado mayor ado kolonel-ado camat ado bupati-ado hakim sarato dotor-maklumlah alek urang kayo.Kononlah pulo Nilasari-dipakai pakaian anak daro-anak daro sacaro Sunda-babaju biludu hitam-bapita baameh-ameh-baju gabaya potongan Banduang-basaruang bakain tulih-pakai salayar di kapalo-balain caro pakaian Minang-asiang lubuak asiang ikan-пуo.
Lorong kapado Sutan Karangan-marapulai nan lah manduo- indak di baliak gadang hati-raso diambuang-ambuang cigak- kandak dapek pintak balaku. Lah tigo hari lamo baralck-sanang hati sajuak pikiran-dapeklah bini nan katuju-sasuai kapuran jo saoknyo. Dibandiang-bandiang jo si Fatimah-sanupo mandi di kiambang palak lapch gata taraso-tampak hodolinyo gadih kampuang-padusi kuno tapabini-mamuuruik ukuran diri surang. Banyak nan kurang di Fatimah-indak pandai marayu laki-luruih sajo bak sumpitan-indak pandai malagak-lagak-pandainyo hanyo manuruik sajo.
Ado kapado suatu hari-alah sabulan sudah nikah-marapulai jo anak daro baru-sanan bakato mandeh kanduang-taradok kapado kaduonyo. "Mano kalian kaduonyo-karano kalian alah nikah-alah manjadi laki-bini-manuruik adat nan dipakai-indak buliah lamo di rumah mandeh-carilah rumah nan lain-untuak kalian tingga baduo. Manuruik adat nan biaso-padusi dibawo dek lakinyo-baa nan sakarang kini nangko-karano Nila lah basuami-bawolah inyo dek Sutan-bawo ka mano nan suko hati-baitu mangkonyo elok-mangkonyo sanang hati kami.”
Mandanga kato nan bak kian-tamanuang Sutan Karangan-
susah hati mabuak pikiran-balain adal dari Minang-indak disangko nan bak kian-ka pindah dari rumah rancak-rumah gadang bagai ustano-ba sedan ha oto rancak-pakai jongos sarato babu kalau pindah mancari rumah-tantu dicari nan sapadan-kok ru-
100
