mah ketek nan dicari-bara ka malu ka mintuo-atau kapado urang banyak-awak minantu rang bapangkat. Sungguah baitu nan takana-indak dapek mambantah lai-kalau mintuo nan lah mangecek-baa manupang kato nantun-dituruik sajo nan ka elok.
Birawari Sutan Karangan-lah dapek rumah seoan-dapek ru- mah di Jalan Japaris-diisi alatnyo cukuik-cukuik-meja kurisi jo lamari-tampek tidua jo kuwi basi-kasua banta jo kulambu-lamari camin sarato jam dindiang-langkok palawan dunia urang- indak ka malu di mintuo-di sinan Nila ditinggakan. Arok malawan dunia urang-ditambah pulo sayang ka bini-indak dikama pitih ka abib-tapaso manunikkan kandak mintuo-pitih abih gaeh lah usak-pokok baransua pai pulo. Galeh nan indak batukuak tambah-bara tajua bapaikan-lah ilang barang nan aluih-aluih-batuka jo kain kasa-indak sajo nan bak kian-ulang diback suok kida-ulang nan sulik mambaianyo-kok datang urang mamintak-rintang di janji ka janji sajo. Kok pagi urang mamintuk-dijanjikan baeko patang kok patang urang mamintak-dijanjikan baisuak pagi-dari baisuak ka baisuak-dari Satu ka Rahaa-abih Rabaa Kamih pulo-janji palapelikan badan sajo. Dari suhari ka sahari- hati batambah susah juo-lah mulai badan disasak utang-lah mulai toko tak picayo-mambarikan barang ka dijua-jokok dibandiang utang jo barang-dicaliak ereng jo gendeng-gasang singguluang pado baban.
Gadanglah aia dari hulu
tarandam daun rimbun buah
Arok mainang bini baru
tateleng toko sabuah
Disangko kuah aia gulai
talatak di dalam pinggan
Disangko murah manggalamai
kurang aru cirik kambiangan
Birawari Sutan Karangan-dek lamo lambek nan bak kian-
abih hari tabilang pakan-abih pakan tabilang bulan dek gadang pasak pado tiang-lawik ditimbo leh ka kariang- isi kadaian batam-
101
