bah tandeh-tagak lamari tak barisi-arak-arak baitu pulo. Dimintak galeh ka induak samang-mintak nan indak ka babari-utang lamo indak tabaia-utang baru baa mambueknyo. Dibuek utang duo tigo-utang alah balimpik-limpik-hilanglah aka ka pambaia-si Nila manganduang pulo. Kononlah Sutan Karangan-sakik kapalo mamikiakan-panianglah utak maagaki-jo sia badan ka baiyo-sialah urang ka mambantu-lalu mupakat jo bininyo-sanan bakato Sutan Karangan, "Diak kanduang si Nilasari-lah malang bana tipak di hambo-sajak kito barumah-tanggo-bintang nan sadang ka puda-rasaki nan sadang ka manurun-galeh abih utanglah tumbuah-kini lah iko parasaian-indak manaruah sen ciek-kok lahia anak kini nangka-apo katenggang badan kito. Kok buliah bali jo pinto-kok lain namuah adiak kanduang-dijua barang agak ciek-pambali ubek ongkos baranak-parsiapan samantaro balun-buliah nak sanang hati hambo."
Mandanga kato nan bak kian-manyahuik si Nilasari, "Kok iţu nạn Tuan sabuik-usah diulang duo kali-kok barang hambo ka dijua-malu rasonyo badan diri-indak adat nan baitu-barang bini ka dilelang untuak ka ongkos ka baranak," katonyo si Nilasari.
Birawari Sutan Karangan-kalo nan indak baulang lai-alah maalun dalam hati-bini nan indak namuah rugi-sadang si Nila leh baitu-kok kunun pulo mandeh kanduangnyo. Lah nyato min- tuo banci-tagah baalah mangatokan-anak nan kawin bakarono- di muluik sajo nan manil-papek di lua pancuang di dalam- di dalam paik bak ampadu.
Indak lamo antaronyo-lah sakik si Nilasari-sakik bak raso ka baranak-lalu dibawo ka rumah sakik-iyo dek Sutan Karangan.Lah tibo di rumah sakik-Nilasari batambah payah-anak nan indak kunjuang kalua-banyaklah ubek saralo suntik-dibarikan dotor paubeknya. Alah sajam duo jain-sahari samalam ka lamonyo-lahialah anak Nilasari-anak kalua tak baangok-lah mati sajak dalam paruik-baranak sangaek pasakitan. Banyaklah ongkoih nan kalua-paubeki si Nilasari-ditangguang Karangan surang sajo-haram talak mintuo namuah-manolongi agak saketek.
Kononlah kawan sapanggalehan-surang nan indak bahati
ibo-mancaliak Karangan abih manjua-antah manggadai lah tu
102
