kini-lamari barangkek dari kadaian-pancari pitih paongkoihi-pambaia utang ka rumah sakik. Banyak mancacek jo maupėk-Padusi jalang tapabini-indak ado malu jo sopan-antah bakato dalam hati-rasaikan bana di ang buyuang-nyatolah awak urang dagang-napasu setan dituruikkan-babini lai di kampuang-manga tak inyo nan dibawo. Jokok dibawa Siti Fatimah-pai marantau ku kota Medan-indak Karangan kamarasai-sakik jo sanang ka ditampuah-elok jo buruak ka dirasai-dapek baiyo jo babukan-baitu kecek nan didanga-pihak parantau urang awak. Ado nan amuah manunjuaki-maaja Sutan Karangan-sabuah indak diiyokan-kok masuak ka talingo suok-kalua ka talingo kida-kini ko badan marasaikan. Satangah pulo kato urang-gadanglah doso Sulan Karangan-bajina dulu mangkonyo kawin-di malah galeh tak ka abih-padi di sisik jo alalang-hukuman Tuhan kini nan tibo-alun batimbang di akirat-di dunia lah nampak balasannyo,
Rumah gadang sambilan ruang
nan salanja kudo balari
nan sapakiek budak maimbau
Disangko paneh sampai patang
kironyo hujan tangah hari
payuang nan indak talakek kasau
Indak alu saalu nangko
alu tasanda di tabiang
kalau tasanda di batuang
disaoki jo daun tabu
Indak malu samalu nangko
Malu tacoreng di kaniang
kalau tacoreng di pungguang
disaoki malah jo baju
Rang Tiku mamukek ikan
di lawik ikan lapeh sajo
Sasa dahulu pandapatan
sasa kudian tak puguno
103
