Rangguang lampaikan nan bak batuang
batuang nan panjang basaua-saua
Tangguang rasaikan di ang buyuang
tangan mancancang bau mamikua
Lorong kapada Sutan Karangan-abih kadaian tak barisi- utang banyak indak tabaia-sajak indak bakadai lai-Nilasari pulang ka mandehnyo-pulang sarato jo pakakch-kurisi meja jo lamari-diangkuik ka rumah mandeh-panuahlah oto duo buah-pambawo barang paragaek-sabuah indak ditinggakan-raso ka indak babaliak lai-bak pulang pipik ka sarangnyo. Kan iyo Sutan Karangan-ditagah indak tatagah-dilapeh sajo jo hati ibo-bininyo. pulang tak bakawani-malu basuo jo mintuo.Alah saminggu duo minggu-cukuik sabulan ka lamonyo-taragak juo Sutan Karangan-nak pulang ka rumah bini-diabihkan malu ka mintuo-si Nilasari kok Ich nyo ibo. Pihak kapado Nilasari-kok pulang bana Sutan Karangan-laki lah bansack tak barono-lah jauah panggang dari api-jokok dibandiang maso saisuak-kini harapan alah abih-kok bulu indak ka batuka-basayok indak ka tatabangkan kasiah abih sayanglah sudah. Kok pulang bana Sutan Karangan-indak dilawan laki duduak-awak ka dalam inyo kahia-muko masam mamandang laki-kich jo bandiang dari mandehnyo-sampik pikiran mandangakan-kato mandehnyo maluko hati.
Saputangan balipek ampek
talatak dalam parahu
Luko langan buliah diubek
luko hati sia nan tahu
Indak disangko rigo-rigo
buruang sikikih tabang malayang
Indak disangku ka bak nangko
pitih abih bini mangganyang
Kononlah Sutan Karangan-dek rusuah talampau ibo-dalam
bansaek padusi jajok-ibo batuka jo sakik hati-taradok ka Nilasari-sarato dangan mandehnyo-raso sapakaek kaduonyo-manyu-
104
