ruah bini mintak carai. Dek sangaek berang dalam hati-naiak darah indak tabado-talanjua muluik Sutan Karangan-ditalak tigo si Nilasari-ciek dimintak tigo dapek-di muko mandeh jo bapak-nyo-dibari sakali surek carai-turun ka laman inyo lai. Alah sarantang pajalanan-lah duo rantang pajalanan-tibo di kadai duduak bamanuang darah nan naiak alah suruik-takana bana kamudian-manga si Nila dicaraikan-talak tigo pulo dibari. Tabayang rupo si Nilasari-roman nan rancak kuniang aluih-abuak karitiang taba pulo-bapapek sampai ka kuduak-mamakai baju yukensi-tampaklah langan nan putiah-putiahinyo bak lilin dituang-kok bibia sirah bagincu-bulu nato samuik baririang-itulah rupo sadang gadih-baranak ciek bitu juo. Baru takana nan bak kian-ibolah hati mancaraikan-lidah talanjua disasai-ba dek lakeh manyabuik talak-cick dimintak tigo dibari-alamat badan tak dapek suruik-jurang nan dalam tah dikali-hancua marumuak dalam hati.
Birawari Sutan Karangan-dima duduak dima bamanuang- takana jando ditinggakan-raso tabayang di ruang mato-indak ka dapek dilupokan. Kok takana pula kecek mintuo-mandeh kanduang dek Nilasari-sakik hati bukan kapalang-amuah mam bunuah mati-mati-indak ado sabuniak urang-iduik nan indak babaso basi. Dalam bamamuang duduak surang-Sutan Karangan manarawang-tabayang pulo samo gadang-surang nan indak manyapo lai-kawan galak malah nan banyak-kawan managih jarang basuo.
Di malah padi tak ka lusuah
sipuluik siarang bareh carai
Di malah hati tak ka rusuah
dalam bansaek bini bacarai
Kiambang di dalam tabek
pucuak cikaran mudo-mudo
Nila tagamang leh bajawek
awak tagamang lapeh sajo
Sitaba daun sitoba
diruntiah anak Payokumbuah
dibawa ka pakun baso
105
