Diantikan kaba sabanta
Sutan Karangan sadang rusuah
rusuah dimabuak kiro-kiro
IV. DIMABUAK JANDO
Balaia biduak nak rang Tiku
balaia manapi-napi
Baraliah kaba tantang itu
aliahnyo ka Nilasari
Abih hari baganti hari-abih pakan baganti pakan-abih bu- lan baganti bulan-lah tigo bular ka lamonyo. Kan iyo si Nilasari-lah sampai idahnyo tigo bulan-dapeklah jodoh guru sikola-guru gadang sikola rakyat-anak kanduang dek Haji Hasan-urang kayo di Mandailiang-tokonyo gadang di Kasawan. Konon rang kayo Haji Hasan-baranak surang laki-laki-anak nan manjo sajak ketek- banamo si Amir Hasan-maaja di kampuang Sidodadi. Apo kahandak anak kanduang-bapantang indak ka babari-baru manampak Nilasari-badabok darah Amir Hasan-hati nan indak sanang lai. Bagailah urang pangatokan-si Nilasari inyo lah rando-baranak ciek anak lah mati-dek hati mati dek mato buto-disampaikan ka apak kanduang-niack mukasuik nak maambiak-si Nilasari ka bininyo.Mandanga pintak anak kanduang-anak nan sangack disayangi-diutuih urang sakali-ka bapak mandeh Nilasari-maambiak anak ka minantu. Pintak nan sadang ka balaku-bali nan lai ka bapajual-batamu rueh jo buku-sasuai etongan kaduo balah pihak-indak lamo maso bajanji-dikawinkan si Amir Hasan-iyo jo Upiak Nilasari.
Birawari si Nilasari-gadang hati bukan kapalang-dapek ba-
laki anak bujang-bujang rancak sarato kayo-dipatiak pulo malah badan-lagak sarupo anak gadih-saroman baumua lapan baleh. Kalau bajalan baduo-duo-bajalan jo laki baru-bapacik bairiang-iriang-indak urang samanjo awak-indak urang sarancak awak-dunia nangko inyo nan punyo.
106
