Kononlah pulo Amir Hasan-kasiah tadorong ka Nilasari-apo kahandak dipalakukan-maalun urang baru-baru-kasiah nan jolong basusuak-kahandak hati salamo ko.
Rumpuik saruik ambiak ka supu
sapu ijuak maha balinyo
Abihlah patuik dek katuju
suaso disangko ameh juo
Kasek-kasek daun ampaleh
tumbuah sabatang di parak tingga
Dek lamak ganduah rang panggaleh
kain nan usang tajua maha
Ado kapado suatu hari-kan iyo Sulan Karangan-sadang la- gak-tagak di tapi jalan-sadang di tapi jalan Bali-tasirok darah di dado-hati nan indak sanang lai-manampak jando si Nilasari-sadang sairiang jo lakinyo-bajalan baduo-duo. Mancalink urang ba katujuan-laki bini bagadang hati-marumeh paruik Sutan Karangan-jando diliek batambah raucak-antah rancak pado biaso-kini jo urang bagendeng bahu-hati di dalam indak sanang-darah mandidiah kabangihan. Hilanglah bana maso itu-darah nan turun-turun naiak-kala pandangan Sutan Karangan-raso bini dilarikan urang-dituruik nan laki-laki-lah dakek pisau dicabuik-dicido dari balakang-pisau basarang masuak pungguang-masuak pungguang guru Amir Hasan-suami si Nilasari. Pisau lakek darah mambosek-Amir Hasan jatah tatungkuik-mamakiak si Nilasari-mamakiak manggaruang panjang-takajuik polisi sadang ronda-datang bagageh anyo lai. Kononlah polisi mantun-dirabuik pisau dari tangan- dari tangan Suton Karangan-dianduah tangan kaduonyo-dilakekkan pilanggu basi-indak dapek manggarik lai.
Birawari si Nilasari-dipangku laki ditangisi-maratok bahon-
dai-ondai-buah ralok baibo-ibo-laki dipangku sudang pangsan-darah kalua manyambua-nyambua-lah sirah tantang pangkuan-urang baumang manyasikan. Mandanga ratok si Nilasari-sadang mamangku suaminyo-tabiklah ibo Sutan Karangan-hancua luluah di dalam hati-bagai kaco jatuah ka batu-tangan di irik dek
107
