polisi-dinaiakkan ka ateh oto-oto polisi nan mambawo-manuju arah ka kurungan-tansinyo rumah tak barasuak, Indak lamo antaronyo-datang oto sabuah lai-kan iyo oto palang merah-dinaiak-kan urang Amir Hasan-naiak sarato Nilasari-dibawo ka rumah sakik-Nila nan sato maantakan. Dek lamo lambek di jalan-jauah basarang dakek juo-lah tibo garan di rumah sakik-Amir Hasan diusuang urang-dibawo ka kamar pareso-baduo dotor manantikan. Dipareso luko di pungguang-di pungguang sabalah kida-dalam lukonyo tak tabado-wallahu alam nan ka tahu.Ado sabanta ka lamonyo-lah tibo pulo bapak jo mandeh-bapak jo mandeh Amir Hasan-sarato dangan familinyo-banduanglah ratok maso nantun-anak pingsan disangko mati. Alah sajam duo jam-lah tibo hari nan kaduo-Allah Taala kayo sungguah-sampailah aja Amir Hasan-alah barpulang ka Rahmatullah-kan iyo di rumah sakik. Banduanglah ratok maso nantun-pihak kapado mandeh kanduang-sarato dangan Nilasari-urang mandanga baibo hati.
Sadang tabang alang manukiak
manyemba ayam makan padi
Lah ilang ayam nan panaiak
di malah bandua baluluak lai
Simantuang di parik putuih
jarajak di tanah taban
ka malah pandan manjulai lai
Bakch bagantuang nan lah putuih
bakeh bapijak nan lah taban
ka malah badan manggabai lai
Lorong kapadu Sutan Karangan-badan maringkuak dalam tansi-takana bana maso itu-tabayang rupo kajadian-mangkonyo badan masuak bui, Pado maso dewaso itu-hati nan sadang dikaru setan-kasiah jo sayang batin abih-taradok ka Nilasari-jando di ambiak urang lain.
Indak disangko rigo-rigo
pipik sinanduang mamakan padi
108
