Indak diaso ka bak nangko
kasiah batuka dek Nilasari
Saputangan panyapu tangan
diambiak panyapu bungo
Malang tangan cilako tangan
dalam tangan urang nan punyo
Tabayang kini dek Karangan-si Nila mamangku suaminyo-mara- mang kuduak maliak-amuah mambunuah kaduonyo. Takana pulo bana nan elok-urang kan alah dicaraikan-indak buliah di kanalai-lah putuih tali parubungan-ka ma bajalan mak nyo pai-bungo lapeh kumbang lah inggok-tak bullah dikaji lai. Manyasa babini urang jalang-sadang gadih mudah dirayu-kok kunun kutiko jando-takana salah badan diri-banyaklah urang muajai-sabuah indak diiyokan. Kini rasaikan malah di badan-arok babini gadih kota-arok mintuo rang bapangkaek-indak diukua bayang-bayang-indak dikaji awa akia-masuak tansi kasudahannyo. Takana pulo toko kadaian-raso tampak kain balipek-basusun-susun di lamari-arak-arak lah panuah pule-marameh paruik manganai-padusi ibilih tapabini-lah licin tandeh kasadonyo-barang abih bini bacarai-awak nan masuak tansi pulo. Bamacam-macam pikiran tibo-babagai-bagai pangana datang-manyasa gadang Sulan Karangan-sasa nan 'indak putuih-putuil-tapi baalah mangatokannyo.
Banta dahulu banta Kuantan
banta kini lain ruponyo
Sasa dahulu pandapatan
sasa kudian indak paguno
Ka Pakih mamukek bada
bada dibawo jo parahu
Cakak abih silek takana
lah buduih badan mangko tahu
Kan iyo Sutan Karangan-lah tigo bulan dalam tahanan- badan nan gapuak alah kuruih-muko pucek abuak lah panjang-
nasi dimakan raso sakam-aia diminun raso duri-kaluah kasah ma-
109
