nahan hati. Dek lamo lambek tatahar-tapanggia Sutan Karangan-pakaro dibukak di landarat-pangadilan hakim nagari-nan jadi jaksa maso nantun-iyo ka ipa dek Nilasari-nan ka manuntuik Sutan Karangan. Sidang dibukak maso itu-diduduakkan Sutan Karangan-duduak di bangku muko hakim-ditimbang parkaro anyo lai. Tibo giliran si Nilasari-sabagai sasi nan paratamo-hakim batanyo mamareso-butapo bana asa mulonyo.
Sanan bakato si Nilasari-manjawab tanyo dari hakim-dita- rangkan asa-mulonyo-dilabiahkan bumbu pado gulai, "Ampun- Iah hambo Tuan Hakim-pado maso kutiko itu-kami nan sadang bajalan-jalan-kami bajalan laki-bini-bajalan sadang makan angin-tibo di muko Balai Kota-ditantang jalan kampuang Bali-tibo-tibo datang parampok-mukasulik mambunuah laki hambo-marampok manyamun pitih-ditikamnyo dari balakang," baitu kato Nilasari-indak mangaku baraso jando-bakeh lakinyo nan dahulu.
Mandanga kato nan bak kian-manyalo Sutan Karangan, "Ampunlah hambo Tuan Hakim-bukanlah hambo rang parampok -indaklah bambo rang panyamun-hambo tasilap maso nantun- si Nila inyo jando hanbo-manampak inyo sairiang-bajalan baduo jo lakinyo-hati hambo dikan setan-banci mancaliak nan laki-laki."
Mandanga kato Sutan Karangan-hakim balanyo ka Nilasari- hatua koh garan katarangan-bahaso si Nila bini lamonyo. Sanan manyabuik si Nilasari, "Ampunlah hambo Tuan Hakim-timbang bana malah dek Tuan-iko contonyo hino urang-bantuak buruak pareman gadang-parampok buayo Medan-macam iko suami hambo-kok tagisia denai ampaleh-kok tatangguak den kiraikan-tasingguang den kikib abih-mangkonyo sanang hati denai." Bakato jo hati bangih-mangecek sambia maludah-dek banci mancaliak Sutan Karangan.
Sadang dek hakim pangadilan-batanyo inyo bakeh jaksa- siapo garan pasakitan-adokoh basangkuik pauik. Jaksa manggeleng indak tahu-mambanakan katarangan Nilasari.
Birawari Sutan Karangan-sirali mukonyo kaberangan-bakatuik gigi kabangilan-awak dituduah rang parampok-rang panyamun pamaliang gadang-haram talak kok leh mangaku-baraso jan-
110
