do Nilasari. Kok santano indak di pangadilan-raso ka namuah malompeki-mambunuah mati kaduonyo-dek jajok ka Nilasari-sa- rato banci ka ipanyo. Tapi kini apo ka dayo-awak nan jadi pasakitan-sasi nan lain indak ado-tatumbuak di badan surang-baitu bana parasaian, Indak lamo antaranyo-sasudah salasai pamaresoan-jatuah putusan dari hakim-Sutan Karangan nyato basalah-malangga undang pasal sakian-dihukum salamo duo tahun-karano marampok jo mambumuah-dipotong salamo dalam tahanan-badan tabuang ka Batawi-lansuang sugiro dijalani.
Lah putuih cando layang-layang
maraok jantang pasawangan
Hukum putuih badan tabuang
abihlah tenggang Sutan Karangan
Sitaba di baliak pakan
dibawo nak rang Kototuo
Di siko taba dihantikan
baiko kito sambuang pulo
V. HUKUM PUTUIH BADAN TABUANG
Babiduak sago badayuang
badayuang badai kek tibo
Kok duduak sago hamanuang
elok disambuang malah curito
Birawari Sutan Karangan-hokum putih badan dibuang- dihukum salamo duo tahun-karano marampok jo mambunuah- dipotong salamo dalam tahanan-badan tabuang ka Botawi. Pado hari nan ditantukan-barangkek Sutan Karangan-maninggakan kurungan kota Medan-baranam urang samo tabuang-naiak ka oto bapangawal-manuju palabuhan di Balawan. Lah tibo garan di Balawan-lah ado kapa manantikan-kapa gadang nan mambawo- banyaklah urang di dalamnyo-bamacam tujuan nak dituruik,
Ado ka Riau jo ka Jambt--satangah ado ka Palembang-sa-
111
