dai kuek batanyo-nak tahu kuek maapa-lah pandai Sutan Kara- ngan-pandai mambaco pasambayangan-tahu bacaan jo maana. Sutan Karangan hatinyo tarang-ciek diaja duo dapek-pasiah lidah mambaco ayal-gurunyo basanang hati-lah dapek kawan sau-gamo-buliah sumbayang jo mangaji-sambayang bakaum-kaum- iyo di dalam tansi nantun, Balain tansi jaman Ulando-sia bagak sia di ateh-bagai ayam makan di lasuang-lantiak-malantiak cotok-mancotok-baitu jaman panjajahan.
Kan iyo Sutan Karangan-banubah kalakuan dari biaso-tobat sagalo kasalahan-takana doso nan alah banyak-mamintak ampun kapado Allah-baribadat inyolah taat-sambayang wajib tak panah tingga-sambayang sunat dikarajokan pulo. Tabayang karajo nan sudah-sudah-takana parangai si Nilasari-namuah mancacek jo mancaci-mancacek caci baadokan-di sidang landarat kota Medan-indak mangakui Sutan Karangan-bakeh suaminyo salamo ko. Jokok dipikia-pikia bana-indak patuik inyo baitu-lah lindang toko sabuah-lah abih kayo Sutan Karangan-jatuah bansaek takarak alehulah mainang Nilasari-minyak abih samba tak lamak-aia susu babaleh dangan tubo. Takana elok Siti Fatimah-gadih kampuang nan masak aia-laku elok purangai baiak-patuah manuruik kato suami. Takana pulo anak nan kanduang-si Sabirin ketek ditinggakan-tingga jo mandeknyo Siti Fatimah-tabayang-bayang rupo anak-anak kanduang sibiran tulang Anak jo bini ditinggakan-tingga nan indak jo napakah-indak ado bakirin-kirin-baralah doso ditangguangkan-nan wajib indak dibayiakan-tibolah sasa di badan diri. Takana janji di muko Kadi-maso malansuangkan akad nikah-anam bulan kok jalan lawik-tigo bulan kok jalan darek-kalau indak bakirin-kirin-napakah indak dibayiakan-kok mangadu Siti Fatimah-mangadu ka angka Kadi-hukum taaliak lah balaku-di sinan talak jatuah ciek. Kalau lah jatuah talak nantu-sampai idalinyo tigo bulan-kok basuo nich jo buku-batamu untuang jo rang lain-alamat bapak anak ka urang. Kok iyo tajadi nan bak itu-indak salah Siti Fatimah-salah di badan diri juo-bakato-kato di dalam hati-dalam hati Sutan Karangan-sadang ba-galuang tidua surang-mato nan indak namuah lalok. Jauah panga- na Sutan Karangan-maetongetong parasaian-badan tabuang
113
