dalam tansi-aia mato badarai-darai-bak maniak putuih talinyo-kutuak ka diri kok lah nan tibo.
Kononlah kota Bukiktinggi
hari Rabaa rami pakan
ramilah urang bajua kain
Sadang mangana untuang diri
di siko kaba diantikan
disambuang pulo jo nan lain
VI. BURUAK BUNYI PACAH BARITO
Didulang sadulang lai
pandulang ameh tambika
Diulang saulang lai
panja puik kaba nan tingga
Kaba baraliah anyo lai-sungguah baraliah sinan juo-aliah ka bakeh Siti Fatimah-anak dek mandeh Siti Zainab-padusi Sutan Karangan-nan tingga di kampuang salamoko. Birawari Siti Fatimah-inyo nan sadang duduak surang-sadang duduak mangayam lapiak-bagaluik tangan jo mansiang-dibuek takok tujuah alai-barabuik tunjuak jo ampu-tangan nan kida panguakkan. Hari nan sadang tangah hari-sadang bunta bayang-bayang-sadang nan litak-litak anjiang-sadang rami urang di balai-sadang langang urang di kampuang. Tadanga ayam bakukuak-ayam kuriak rambayan taduang-ayam nan gadang di pautan-suaronyo sayuuik-sayuik sampai-kukuaknyo indik lenggek tigo. Tamanuang Siti Fatimah-tamanuang baibo hati-pangana tabang mambubuang-mambubuang tabang ka Medan-ka bakeh Tuan kanduang diri-nan bagala Sutan Karangan, Sajak bajalan sakali nangko-lah limo tabun indak pulang-kaba indak barito indak-antah moh sakik ngilu paniang-antah mularaek apak si Birin--susahlah hati mamikiakan. Kadang tibo sangko nan buruak-antah lah mati Sutan Karangan-raso tabayang di ruang mato-kurenahnyo salamo nangko-tampak-
114
