tampak galak manihnyo-tampak-tampak takua kapalo-suaronyo raso di talingo-imbau sarato kasiah sayang. Kok inyo lai iduik juo-surek sacabiak tak dikirin-bini di kampuang ditinggakan-anak nan ketek batambah gadang-apokoh garan salah diri-mangko suami nan bak kian. Dikana-kana badan diri-dietong-etong tingkah-laku-taradok kapado apak Sabirin-sabuah indiak nan takana-satu pun indak nan basuo-parangai buruak nan dibuek-kok sampai suami ketek hati. Dalam bamanuang duduak surang-mirih mato manahan tangih-tangan mangayam lapiak juo-tadanga kuhua mandeh kan- duang-mandeh kanduang Siti Zainab dari laman najak ka rumah-lansuang manyapo ka anaknyo, "Anak denai Siti Fatimah di mano garan cucu kanduang-ubek juriah patarai Jaman-sidingin tampa di kapalo-ka ma Sabirin indak tampak-cubo imbaukan agak sabanta-iko puraweh den bawokan-buah peraweb di parak awak.”
Mandanga kato nan bak kian-manyahnik Siti Fatimah, "Ka- lau Sabirin mandeh tanyokan-inyo nan sadang bamain-bamain- main di bawah tumbuang-asik bamain dama tondeh-ih mangko nyo denai lapeh-dapck manyudahkan lapiak nangko. . . ." kato-nyo Siti Fatimah-sambia tagak mainbau anak-niniak nan kasiah di cucunyo.
Sadang tagak Siti Fatimah-datanglah mandeh mangganti- kan-duduak basimpuah mangayam lupiak-manaruihkan takok anak kanduang-mandeh jo anak nan samo pandai-batanun caro di kampuang-manganyam lapiak dangan sumpik-karajinan tangan induak-induak-karajinan dalam rumah-tanggo. Konon Zainab jo anaknyo-indak panah maantikan tangan-maso nan indak di- buang-buang-ado sajo nan ka dikakok-kok duduak inyo marawik ranjau-kok tagak inyo maninjau jarak.
Kan iyo bujang si Sabirin-bujang ketek sadang banan- mandanga imbau mandeh kanduang-mandeh kanduang Siti Fa timah-imbau basauik jo balari-taruih sakali naiak rumah-dikaja niniak sadang duduak-mangayam sambia balapch panek-tampak puraweh masak-masak-Sabirin datang maambiaknyo, Galak tasanyun Siti Zainab-mancaliak cucu bucirabuik-antali jo sia bacirabuik-badaso sungguab pambanan-cucu disuruah baliak turun-
115
