mambawo puraweh masak nantun. Alah ka laman si Sabirin-sanan bakato Siti Zainab-kapado anak kanduang diri-disuruah duduak si Fatimah-ado rundingan ka disampaikan, "Anak kanduang Siti Fatimah-mandeh mandapek kaba angin-antah iyo antah moh tido-tapi samantang pun baitu-elok juo mandeh sampaikan usah maupek anak isuak."
Mandanga kato mandeh kanduang-tasirok darah di dado apokolah garan barito-di ma kolah datang barito-ingin nak lakeh mandangakan.
Bakato pulo Siti Zainab, "Anak juo karo mandeh-adapun mandeh dapek kaba-kaba nan dari urang ka urang-si Sutan indak di Medan lai-inyo tabuang ka Batawi-sabab karano mambunuah urang-itu sajo nan mandeh danga-baa bana mulo asanyo-mandeh nan indak tahu lai.”
Alang takajuik Siti Fatimah-mandanga kato mandeh kanduang-pucek roman manahan bati-patuiklah maso kudian koparasaun nan indak lamak sajo-duduak rašah tagak pun ranyah antah apolah nan ka tibo-padakan iko nan ka didanga. Mancaliak anak sangack takajuik-diliek roman lah barubah-ibolah hati mandeh kanduang-sanan bakato anyo lai, "Anak denai Siti Fatimah nambeklah hati diparusuah-usahlah badan diparisau-dangakan malah kecek mandeh-kaba angin mandeh sampaikan-curito urang ka urang-antah iyo antah mo tido-antah asuang antah pitanah antah urang banci ka kito. Sago picayo jo galombang-ambiak sampan turuik ka tangah-eloklah pai kito batanyo-kito tanyokan ka mandehnyo-ka mandeh Sutan Karangan-ka rumah mintuo anak kanduang. Di sinan dapek kaba saiah-aia janiah sayak nan landai-nak jaleh iyo indaknyo-tantu si Upiak si Buyuangnyo-di rumah bako Sabirin nantun. Kok konon kaba jauah sajo-nan sadapo jadi saheto-saheto amuah sakilo-elok sugiro anak basegeh-makpai kito kini nangko-supayo sanang hati kito.”
Mandanga kato mandeh nantun-kato nan indak bajawab lai taraso bana dari mandeh-tagak sakali pai ka biliak-manuka kain jo baju-aia mato indak tatahan-diimbau pulo si Sabirin-dituka pulo baju anak. Salasai mangganti baju-turunlah mandeh Siti Zainab-baduo jo anak si Fatimah-batigo jo cucu kanduang-
116
