bajalan bairiang-ditiakan labuah nan panjang-bukato Fattimah sambia bajalan-kapado mandeh kunduangnyo, “Sajak malam-samalam nangko-lah tibo juo tando-tando-mandangiang-dangiang talingo kida-pulupuak mato manggarik-garik-iko moh kaba nan kɔ didanga-mato manggarik ka manangih-rasian buruak pulo nan tibo-dibuluih urang Bapak Sabirin-kain jo baju dianggukkan-indak bapakaian sahalai banang-batilanjang bulek sajo-tandonyo inyo dapek maro."
Manjawab mandeh kanduangnyo, "Kok ado bana tando-tando-ataupun mimpi jo rasian-rasian pamenan lalok-kacimpuang pamenan mandi-di anak usah dipaturuikkan. Kalau tadayo jo rasian-dek dayo ibilib masuak-masuak ibilih pasiaklah diri-sansailah badan manangguangkan. Sabaliak pulo anak kanduang-kok iyo bana nan baitu-usahlah anak cameh bana-adat Iduik sakik jo sanang hujan jo paneh babalasan-sudah takadia dari Tuhan- Allah babuek sakandak-Nyo-kito tak dapek mambantahi-tarimo sajo dangan saba-sarahkan untuang ka nan Aso," katonyo mandeh si Fatimah-manyabakan anak kanduang diri-hati di dalam man samo maalum-rasuah anak samo taraso-kok dapek musuah dikurangi-kurangi juo jo usaho.
Kalau dibawo ka badan diri-kok sampik ati tumpu pikiran- anak minantu bakatujuan-lah limo tahun indak pulang-kaba indak barito indak-napakah indak lahia batin-lah saba malah si Fatimah. Kini iko pulo nan basuo-minantu tabuang mambunuah urang-kaba di urang ka urang sajo-tak tantu sabab karanonyo-dipujuak-pujuak hati anak-malakik sampai ka tujuan-ka rumah bako si Sabirin.
Dek lamo lambek di jalan-jauah basarang dakek juo-lah tibo di halaman rumah-halaman rumah kak Saona-mandeh kanduang Sutan Karangan-mintuo kontan Siti Fatimah. Kan iyo Siti Zainah-sunan baimbau anyo lai-maimbau kakak Saona-imbau basahuik dari rumah-manjongol Kakak Saona-tampaklah Siti Zainab-sarato dangan Siti Fatimah-batigo jo si Sabirin. Barulah ialeh rang nan datang-manampak minantu jo mandehnyo-batigo jo cucu kanduang-sanan bakato Kakak Saona-bukato sambia bapantun.
117
