"Cubadak di tangah laman
dijuluak jo ampu kaki
Usah lamo tagak di laman
Itu cibuak basuahlah kaki"
Mandanga kato Kak Saona-manjawab Siti Fatimah
"Cubadak di langah laman
baputiak mangko babuah
Mangko tatagun kami di laman
disangko Kakak tak di rumah"
Sadang dek Kakak Saona-lah sudah tamu dibasoi naiak-babaliak ka tangah rumah-dikambangkan lapiak pandan pu tiah-lapiak pandan putiah aluih-batarawang ujuang jo pangka anyaman caro nyok ari.
Lapiak takambang tamupun naiak-disilakan duduak katigonyo-disorong siriah di carano-duduak basimpuah pulo Saona-mengawani Siti Zainab duo jo Siti Fatimah hati di dalam indak sanang-apo mukasuik kadatangan-mangkonyo datang katigonyo. Sungguah baitu dalam hati-mancaliak cucu Sabi rin-maiguik duduak ka mandehnyo diambjak cucu lalu dipaluak-dipaluak ateh pangkuan takana apaknyo baalah kini anak kanduang Sutan Karangan-tabik tangih Kakak Saona-aia mato badarai-darai.
Birawari Siti Zainab-hati nan indak sanang lai-raso tak sampai nan dimukasuik-mancaliak Saona lah manangih-manangihi Sabirin cucu kanduang-tangih kok sampai babaleh ratok elok lah hati disabakan-nak tantu nan ka disabuik-sanan bakato anyo lai.
"Monolah Kakak kato hambo mangko kami datang kamari-gadang mukasuik nan dijalang-kami mandanga kaba buruak-kaba angin kami dangakan-barito urang ka urang-buhaso apak si Sabirin kini nan sadang dapek sangsaro alah tabuang ka Batawi. Baitu kaba nan kami danga buruak disabuik elok mak datang hati nan indak sanang lai-mandanga kan curito urang-sabalun salah dari kakak-tolonglah kami jo bicaro-mak samo sanang paratian." "
Mandanga kato Siti Zainab-mandeh kanduang Siti Fatimah-
118
