Janjo indak kaba pun indak-jo apo anak digadangkan-baduc baranak tak dibari-indak dibari napakahnyo, Anak badoso ka si Fatimah-doso gadang malah kironyo-babini sajo nan lai-balanjo indak dikirinkan-digantuang sa eto tali' mamintak tolong hambo ka Mandeh-tolong sampaikan ka Fatimalı laki nan usah diarok pulang-mangadulah ka Angku Kadi-rela di hambo malapehkan-padonyo urang taniayo.
Lorong kapado si Sabirin-anak kanduang sibiran tulang-anguihlah hati dek taragak-raso di ruang-ruang mato. Tiok malam barasian raso batamu dalam mimpi-Sabirin duduak bapaluak-sanang hati duduak jo anak. Baru tasentak dari tidua-usahkananak ka dicaliak-bapaguik lutuik kadinginan-lalok bakaluak dalam tansi aia mato badarai-darai--mangana untuang badan diri,
- Surantiah jo Taluak Nibuang
- urang mamukek sampai pagi
- Jokok takana di anak kanduang
- dipaluak lutuik ditangisi
- Angku Damang Datuak nan Rambai
- api-api duo sabenggo
- Cubolah tenggang di nan pandai
- hati jo jantuang nan basangketo
Anyo sabuah pintak anak-taradok kapado Mandeh kanduang--rilahkan aia susu nan taminun-rilahkan nasi nan tamakan-anak nan indak pulang lai. Kok takana Mandeh di hambo-sangkokan sajo alah mati-baitu pulo si Fatimah-sarato jo mandeb Siti Zainab. Kok buliah hambo bapasan-taradok kapado si Fatimah paliharokan malah anak kito-usah disio-siokan-kok sampai gadang inyo isuak-kok leh untuang manjadi urang. Sampaikan salam ka si Fatimah-sarato mandeh Siti Zainab-mintakkan maaf banyak-banyak-maalkan hambo lahia batin-jduik nak usah bakarupatan-kok mati indak manjadi doso."
Lah sudah surek dibaco-kununlah Siti Fatimah-hujan sangik batambah labek-labek sarato ribuik kancang-bakucamuak limbubu dalam hati-tabayang laki dalam tansi-tidua bagatuang tak basaok-badan kuruih mato lah cakuang-pulang nan indak diarok lai. Batambah karch isak jo tangih-batambah
120
