laruik paratian-kaluah kasah manakan hati-banduanglah rusuah tangah rumah-sarupo urang kamatian-Sabirin pun sato manangih pulo.
Dek lamo lambek nan bak kian-bakato pulo Kakak Saona-kato taradok ka Fatimah-ibo minantu ka marasai-marasai dilamun-lamun ombak.
"Anak denai Siti Fatimah- surek kan alah Anak baco-apo mukasuik isi surek-Anak lah paham tantang itu. Manuruik pandapek pikiran mandeh-lah salariik salamo nangko-anak manangguang parasaian-lai balaki indak pulang-lah limo tahun ka lamonyo. Kini iko pulo nan basuo-laki lah masuak tansi kurungan-ka pulang indak diarok laj, Manuruik pandapek mandeh Surang-Anak sansaro batinipo-fimpo-indak sabuah nan ditangguangkan jatuah diimpok janjang puto. Eloklah Anak mamintak carai-mamintak carai ka Angku Kadi-mintaklah fasah batarang-tarang-putuihkan hubungan jo si Karangan usah nyiak sayo badan anak. Kok leh untuang takadia Allah-dek badan anak mudo baru-lakeh anak dapck pangganti baganti suami jo nan baru-anak kok dapek baranak padusi-buliah baunyi rumala gadang-bakeh Sabirin baiyo-iyo. Itu pandapek mandeh surang-mandeh nan rela malapchkan-anak nan usah salah sangko-mandeh bakato jo hati suci-iho mancaliak nasib Anak-mak surang-surang manangguangkan-kok dapek Anuk jan sato pulo," katonyo Kakak Saona-bakato sambia manangh-ibo mamikiakan si Fatimah-balaki saroman jo marando-taseso iduik lahia batin.
Mandanga kato nan bak kian-tagaruang Siti Fatimal: aia mato badarai-darai-manjawab juo sambia managih, "Manolah Mandel kato hambo-kalau itu Mandeh katokan-ubek jauah panyakik ampiang-alamat ka sansai badan hambo. Sajak samulo bajunjungan-alah taniat dalam hati-cukuik balaki surang sajo-sakik sanang samo ditangguang-tatingkuik samo makan tanah-tatilantang samo maminun ala-baitu hati mangkonyo sanang. Kini ko iko nan basuo-sadang mularat Tuan kanduang-hambo ka iduik bagadang hati-indak takana nan bak kian-bari ampun hambu di Mandch-bialah hambo saroman iko-kok
121
