untuang isuak elok juo-barakat kasiah Tuhan ka kito-samo mamintak kito ka Allah."
Tagok pandirian Siti Fatimah-Kuek tak dapek diguyahkan-iyo bana bak kalo pantun.
- Ayam kuriak rambayan taduang
- ikua manjelo dalam padi
- ambiak tampuruang bari makan
- Sakik sanang samo di tangguang
- bialah surang basuami
- nan lain raso diharamkan
Kan iyo Kakak Saona-inyo mamuji dalam hati-di muko indak mangasan-kuek iman Siti Fatimah-kian diguyah kian tagok-jarang basuo nan bak nantum-sarik surang dalam saribu, Kalau dicaliak ke nan lain-nan banyak nampak dek Saona kok laki jatuah mularat atau pun indak pulang-pulang-datang si bini baunduang-unduang-baunduang-unduang ka Angku Kadi-mangadukan laki indak pulang-atau pun indak babalanjo. Banyak padusi nan tak tahan-kalau balaki jatuah bansaek-kok pulang bana ka rumah bini-ranyuak jo getong nan dibari-pangka bala di rumah tanggo-bacarai juo ka sudahannyo.
Birawari di maso nantun-sadang babincang-bincang juo-ado sabanta antaronyo-nasi ditaliang dek si Sarinam-adiak kanduang Sutan Karangan lah cukuik nasi talatak-sarato dangan samba gulainya bakato malah kakak Saona, "Oi Kakak Siti Zainab duo jo anak Siti Fatimah--nasi talatak mintak disantap-makan basamo kito malah." Manjawab Siti Zainab, "Kakak Sauna kato hambo-urang elok nan baiak budi-sabalun kami ka mari nangko-kami Jah makan di rumah tadi.”
Kununlah di niso nantun kato basahuik dangan kato-gayuang basambuik dangan gayuang-jokok bakato nan samo pandai-iyo bak santan jo tangguli. Dek panek batangka-tangka makan juo malah nan jadi--makan sapiriang duduak barampek-basamo-samo je si Sabirin. Alah salasai makan jo minum-lah duduak pulo sakiro-kiro -mintak ijin Siti Zainab-handak pulang
122
