dangan si Sabirin-aia mato jatuah badarai-ibo bacarai jo si Fatimah-sarato dangan cucu kanduang. Lah jimek urang naiak kapa indak dinanti kapa balayia-dek hari lah lewat luhua-Siti Zainab barangkek pulo-maninggakan palabuhan Taluak Bayua-manuju arah Bukiktinggi-pulang ka kampuang anyo lai.
Pihak kapado Siti Fatimah-dituruikkan sajo si Naamin-di mano tampat dipiliahnyo-di sinan pulo dikambangkan lapiak-dilatakkan pulo barang-barangnyo. Dikambangkan lapiuk tampek tidua-banta sabuah ado dibawo-sadang maunuih-unuih tampat-mamakiak bunyi sarunai kapa-alah sakali duo kali-cukuik katigo kapa barangkek-maninggakan palabuhan Taluak Bayua. Alah sajam kapa balayia-lah duo jam kapa balayi-kapa basarang jauah juo-mamasvaki lawik baharullah-lah jauah pantai ditinggakan-samek sameto lawik sajo.
- Cincin banamo ganto sori
- sasuai sajo dikalingkiang
- Hilang ka mano ka dicari
- lawitan sajo nan bakuliliang
Salamo dalam palayaran-kononlah Siti Fatimah-hati nan hibo-hibo rusuah-labiah-labiah ukatu malam-dipandang Sabirin alah lalok-takana untuang badan diri-sadang di tangah lawik gadang. Urang balayia awak balayia-urang balayia ado bakawan-awak balayia surang sajo-kok ado buna si Sabirin-alun ka dapek lawan babiri-nan katompangan sakik jo sanang. Urang barangkek
maninggakan kampuang-pai manggabeh jo hadagang-awak barangkek takatuang-katuang-mancari laki nan tabuang. Sadang mangelai-ngelai su rang-tangah malam urang lah lalok-di awak mato ba-tambah nyalang-banyak nan nampak nan tabayang. Mandeh di rumah tingga surang-antah baurai aia mato-atau kok mandeh sadang ka ladang-atau ka sawah surang sajo-sia di rumah mananakkan-kok pulang dari sawah ladang-pinta bakunci didapati. Takana pulo nasib suami-lah hampia duo tahun dalam pinjaro-badan kok kuruih tingga tulang-antah basuo antah indak-Allahu Rabbi nan ka tahu. Sadang mangelai jauah pangana-hati ibo tabiklah tangih-takana pulo urang nan rami-suok kida urang bagolek-dek
127
