malu hati ditahan-dibawo tidua bakalumun. Dek lamo lambek nan bak kian-lah ampiang hari parak siang-tapijam juo mato Fatimah-baru sakalok talalokkan-hari siang awak tasintak-dicaliak urang alah jago-pai ka tampek basuah muko-satangah sambayang subuah-satangah duduak ada mangelai-Fatimah lalu jago pulo. Untuang bana ado bakawan-si Naamin sarato lakinyo-kok siang hari bak nangko-taubek rusuah dek basamo.
Alah sahari duo hari-cukuik tigo hari palayaran-patang hari-hari Rabaa-sampailah kapa di Tanjuang Pariuak-palabuhan rami sagalo kapa-kapa balabuah anyo lai-panompang tunin surang-surang-iruak pikuak bukan kapalang-namonyo palabuhan kota tami.
Birawari Siti Fatimah-duo jo anak si Sabirin-sato turun dari kapa-tampak sakali mamak mananti-nan bagala si Sutan Sati-gadanglah hati indak tabado-lalu bakato ka si Naamin-sarato dangan suaminyo, "Untuang elok untuang ka mujua-kawan nan indak ka turuik seso-lai mananti Mak Sutan Sati-di siko kito bacarai dulu,"-katonyo Siti Fatimah-tangan launjuak ka Naamin-bajawek salam kaduonyo-maal dimintak banyak-banyak-sarato dangan tarimo kasi.
Kununlah pulo si Naamin-sarato dangan suaminyo-dilapch malah kawan bajalan-Fatimah lah pai jo mamaknyo-naiak ka oto nan mananti-dibawo dek mamak Sutan Sati.
Kan iyo mamak Sutan Sati-ditanyokan suami Siti Fatimah-di ma garangan Sutan Karangan-sanan manyahuik Siti Fatimah-manjawab sambia maandok-malu rasio ka tabukak, "Mamak denai Sutan Sati-kalau itu nan Mamak tanyokan-lorong kapado Bapak Sabirin inyo marantau ka kota Medan-sakali ligo bulan ado ka mari-ado ka mari kato urang, "-katonyo Siti Fatimah-dirasiokan juo laki tahukum.
Indak lamo antaronyo-Siti Fatimah di atch oto-duo jo anak si Sabirin-tigo jo Mamak Sutan Sati-oto nan bagai balari kancang-dek jauah basurang dakek-ampiang ka tibo inyo garan-lah sam-pai olo di Pintu Aia-di sinan rumah Sutan Sati-tampek tingga-nyo anak bini. Sato tibo oto di lamant-disonsong bini Sutan Sati-naiak ka rumah basamo-samo-banyak curito pakabaran-sampai
128
