duduak balapeh panek-di hari nan sahari nantun. Kan iyo Šiti Fatimah-dibuek surek ka mandeh-mangatokan lah sampai katujuan-supayo sanang hati mandel-sago bahati cabuah juo. Lah sudah surek dibuek-mamintak tolong ka anak mamak-mamastakkan surek ka kantua pos-mak capek tibo di kampuang-ka bakeh mandeh kanduang diri.
Kan iyo Siti Fatimah-alah sahari balapeh panek-lah hilang gatu-gatu badan-lah timbua tanago baru-pado hari nan barisuaknyo-susudah makan jo minum-dituka pakaian anyo lai. Dikanakan baju gabaya pendek-dipakai saruang batiak aluih-disanggua abuak di kapalo-kain putiah sendo barendo-nan aluih babiku-biku-lagak sarupo gun agamo. Dipakaii pulo si Sabirin-mamintak ijin pado mamak-handak bajalan duo jo anak-mancaliak- caliak nagari rami. Kununlah Siti Fatimah-ijin dapek inyo bajalan-duo jo anak si Sabirin di tapi labuah naiak becak-mintak dibawo ka Galodok-di sinan tadanga tansi kuningan-bakeh suami cinto hati-Sutan Karangan dalam buangan. Kan iyo becak nan ditompang-dikayuah tukangnyo capek-capek-lapch nan dari Pintu Aia-lah tibe di Sawah Besar-mamotong lalu ka Karekot-manyisi-nyisi toko nan banyak-toko nan banyak gadang-gadang-kota nan rami sajak dulu-oto sampo samuik bairiang-bairiang-iriang indak putuih-manampuah jalan basimpang-sin pang-sapanuah kota Batawi nantun. Lab tibo becak di stasiun Kota-ampiang ka tibo inyo garan-jauah basarang dakek juo-becak bakelok ka Galodok. Dek elok langkah Siti Fatimah-sadang di atch becak nantun-tampak kalua urang hukuman-hajalan membawo pangkua-bajalan sabondong panjang-diiriangkan upch nan manjago, Kununlah Siti Fatimah-baru manampak rombongan nantun-diantikan becak tapi lobuah-dinantikan malah upch jago-baduo dangan si Sabirin Sanan batanya si Fatimah-iyo kapado upeh jago-mananyokan suami Sutan Karangan-urang Padang buangan Medan-lah hampia duo tahun ganok.
Birawari urang jago nantun-ditunjukkan malah Sutan Karangan-mamakai baju urang kurungan-badanlah nampak kuruil kariang-garambeh panjang di muko-kulik maitam dimakan
129
