paneh. Manampak suami nan bak kian-manangih Siti Fatimah-baitu pulo Sutan Karangan-aia mato jatuah badarai-sanan manghadap Siti Fatimah-kapado Tuan Sapia tansi-kok dapek bakato-kato-iyo sapatah duo patah-karano dari jauah inyo lah datang-mancari suami apak anak. Mandanga kato Siti Fatimah-jatuah hibo Tuan Sapia-dipanggia Sutan Karangan-tingga jo rombongan nan di tansi-dibari pulo malah ukatu-dapek mangecek laki-bini.
Lorong kapado Siti Fatimah-mancaliak rupo suaminyo-Lintuah hati kusuik pikiran-indak tantu nan ka disabujk-bakato inyo sambia manangih, "O Tuan jo den di Tuan-lah iko jinih parasian-untuang mularat di badan diri-Tuan nan indak bakirin surck-indak namuah mambari tahu-sakik sanang dipikua surang-bini di kampuang indak tahu. Manurujk pandapek ham bo surang-adapun adat balaki bini-iyo sarupo aua jo tabiang-hiduik nan sanda manyanda-runtuah aua runtuahlah tabiang-tagak aua tagaklalı tabiang-baitu bana nan biaso. Tapi sakarang kini nangkolah jajok bana Tuan ka hambo-Tuan pandang hambo urang lain-sarupo indak basangkuik pauik-hiduik banafsi-nafsi sajo. Kok di hambo indak baitu-Tuan junjungan dunia akirat-sakik sanang bakeh mangadu-elok buruak bakeh haiyo-pamimpin hambo pagi patang-gadang diharok sapanjang hari. Lah salaruik salamo nangko-kaba indak barito indak-surek sacabiak tak talayang-kaba sapatah tak tadanga-untuanglah mandeh maagiah tahu--kok indak puto mandeh rahu-indak basuo bapak anak kanduang-anak kanduang Tuan sandiri-anak kanduang kito baduo." Baitu kato Siti Fatimah,-bakato dalam manangih-dirameh paruik dikaluah- kan.
Mandanga kuto Siti Fatimah-manjawab Sutan Karangan-bakate jo hibo hati, "Mano diak kanduang Siti Fatimah-usah baitu kato adiak-jauah tahiho hati hambo-mangana untuang badan diri. Hambo nangko urang basalah-lah banyak salah pado adiak-sabanyak rambuik di kapalo-antah batapo maabihkannyo. Kini baitulah di adiak-ambiak pisau bumuahlah hambo-indak guno diiduiki lai-lah řilah mati kini juo-mati di tangan adiak kanduang-buliah batabuih kasalahan." Bakato sambia manangih-balutuik
130
