mamintak maaf-samo manangih kaduonyo.
Dek lamo lambek batangih-tangihan-mangaji untuang jo nasib-untuang jo nasib nan mamisahkan-sunan batanyo Siti Fatimah, "O Tuan jo den di Tuan-bilokoh garam masonyo-mangkonyo Tuan dapek kalua-dapek bebas dari kurungan ko,"-katonyo Siti Fatimah.
Manjawab Sutan Karangan, "Kalau itu nan Adiak tanyokan-satantangan hukuman nan lah dijalani-manuruik parctongan hambo surang-lah hampia panuah duo tahun-kiro-kiro tigo hari lai," katonyo Sutan Karangan-manjawek tanyo Siti Fatimah.
Bakato pulo Siti Fatimah, "Kalau baitu kato Tuan-sananglah hati hambo mandanga-kini baitu malah dek Tuan-kini ko mak pulang kami dahulu-iyo ka rumah Mamak Sutan Sati-nan tingga di liintu Aia-karano kami sínan manompang-barisuuk kami babaliak pulo. Nan sakarang kini nangko-tarimo bungkusan pambawoan-nasi babali dangan rokok-lapehlah hambo pulang dahulu-sarato dangan si Sabirin."
Lorong kapado Sutan Karangan-mandanga kato si Fatimah-karano hari iyo alah tinggi-dilapeh malah babaliak pulang-sarato dangan anak kanduang-dilapeh jo hati hibo.
Sapaningga Siti Fatimah-dibukak bungkusan barisi nasi-dicaliak pulo ado rokuk-rokok putiah se pak gadang-bapitih pulo ka balanjo-lintuahlah hati Sutan Karangan-mancaliak pambawoan Siti Fatimah-jokok dikana-kana bana-maramang kuduak tagaklah bulu-lunak sagalo pasandian. Takana elok bini rang kampuang- ujuik balaki bukanlah pitih-indak arok jo ameh perak-tagamang lai ka bajawek-kok luluih lai ka basalam-hilang nan lai kabacari. Tampak clok Siti Fatimah-indak sarupo jo si Nita-padusi ibitih padusi setan-mambawo awak ka marako-sayang kutiko kayo sajo-baru lah bansaik dicampakkan.
Takana elok Siti Fatimah-marumeh paruik dek manyasa-takana buruak laku diri-amuah malacuik-lactikkan kapalo-rilalah mati nan bak kini-pado manyasa bakapanjangan. Sadang manangih manyasa untuang-indak tamakan nasi bungkuih-sampik rangkungan dek manarimo-nasi bakuali aia mato-tibo pitunjuak dari Tuhan-datang malah pangana elok-han sahinggo iko ka teh-
131
