Zainab urang jauhari bijaksano-mambuhua indak mangasan-mauleh indak mambuku-kasiah jo sayang ka minantu-haram tiado parubahan-bagai mananai minyak panuah-baitu sayang ka minantu.
Lorong kapado Sutan Karangan-maliyek mintuo nan bak kian-kasiah sayangnyo tak banubah-saroman sayang ka anak kanduang-lunak lambuik kalau batu tua-duduak tagak babaso basi-indak sarupo mandeh si Nilasari. Jokoknyo mandeh Nilasari-batutua indak basumanih-adat kurang budi pun jauah-elok basonyo urang kampuang-baminantu indak maharok pitih sajo-minantu iyo junjungan anak-patah junjuang dipaluik gagang-namun kacang bajunjuang juo.
Kan iyo Sutan Karangan-lek inyo urang biaso parantau-sajak ketek di rantau urang-sabulan tekao hanyo di kampuang-tapeh sabulan pai maruntau-dicubo manggalah baketek-ketek-inyo manggaleh di Bangkinang. Dek tamo lambek nan bak kian-salamo murasai lai ka sanang-naiak malah harago gatah-mam hali urang dipanggalehan-eloklah galeh maso itu-urang kampuang banyak bapitih-apo dijua apo laku-hujan jo panch babalasan.
Kan ivo Sutan Karangan-urang mudo pandai manggaleh-pamain pagurau indak-tahu di untuang parasuian-kinilah rintang dek manggalch sajo. Langkah elok kutika balak-rasaki nan sadang ka tabukak-mukabua pintak pado Allah-tabali kadaian pulo sabuali-kadaian gadang duo ruang-diisi panuh barang kunango-cukuik jo kain sagalo ragi-kain batiak haluih baitu pulo-bamacam ragam ditanahınyo. Dek banyak sagalo ado-indak van suruik urang mambali-apo ditanyo lai sajo-banyak langganan kian kumari-pandai maambiak hati urang.
Ado kapada suatu hari-sadang duduak hari lah patang- takana bana maso itu-handak manjapuik Siti Fatimah-dicarikan rumah ka tampok diam-dapek sabaal nimah batu-rumah ketek nan sadang elok-balangkan bapintu camin-sadang elok ka tampek tingga-tampek tingga batigo baranak. Kan iyo Sutan Karangan-lah bulek pandapek nan bak kian-indak lamo antaronyo-pulang sakali Sutan Karangan-iyo kakampuang dakek Bukiktinggi-tibawek kopor dua buah-panuah
139
