barisi kain baju. Tibo di pasa Bukiktinggi-dari oto naiak kaben-di-indak tarago singgah-singgah-raso lah tibo garan di rumah-lah duo tahun indak pulang-pulang-gilo mancari pitih sajo. Dalam salamo di rantau nantun-hanyo bakirin tick bulan-baitu bana yakin manggaleh-handak manabuih kasalahan-manyampaikan niaek dalam hati-kok dapek tabukak rasaki-disanangkan juo anak bini-panabuih salah nan salamoko-mamintak ampun pado Allah-diubah parangai salamo hiduik.
Dek lamo lambek babendi-kudo balari kancang-kancang-lah tibo garan tu kini-iyo di halaman rumah bini-tampak dek anak si Sabirin-dituruik apak bagageh-gageh-di semba kopor kagirangan-lalu dilarikan ka ateh rumah-indak hati sagadang nantun-apak lah lamo indak pulang-kini ko tibo tak rago tahu.
Mancaliak kopor dibawok anak-takajuik Siti Fatimah-kironyo laki nan lah tibo-tagalak sengeng di halaman-tasirok darah di dado-dikamehi rumah bagageh-gageh-nan barasiah tambah barasiah-dikambangkan lapiak nan baru-pananti suami jolong tibo.
Kononlah Siti Fatimah-disonsong suami ka halaman-disapo sambia galak sanyun-antali mato kok lah nan salah-antah pancaliakan nan kurang tapek-barubah nampak Sutan Karangan-batuka roman dari daliulu-badannyo lah gapuak putiah-bakaco mato reben pulo-abuuk basega di kapalo-mamakai baju kameja putiah-sarawa wo! ungu-ungu-sangaiklah tampan dipandangi.
Birawari di maso nantun-lah naiak Sutan Karangan-diiriangkan pulo dek Patimah-Sabirin lah pulang pulang baliak-eboh dek hati kagadangan-lah tahu pulo Siti Zainah-baraso minantu nan lah pulang-dilawan duduak malah minantu.
Kan iyo Siti Fatimah-basugiro malah ka dapua-dijarangkan tungku duo tigo-disuniah anak mancakau ayam-ayam di kandang ayan taranak-didabiah ayam untuk samba-diam biak bareh dijarangkan-anak nan sigap pulo ka dapua-tantu di jangko karajonyo. Indak laino maso antaronyo-tahedang nasi tangah rumah-langkok juadah jo sambanyo-lalu mintuo manyuruah makan-lah litak bana garan tu kini-makan basamo jo anak bini-Siti Zainab baitu
140
