Anak rang di Tangah Kolo
handak manjalang Taluak Bayua
nan singgah di Lubuak Aluang
mambawo dulang kayu jati
Mulo dikarang kaba nangko
kan ganti siriah nan sakapua
sipatan rokok nan baguluang
guno parintang-rintang hati
Banda urang hambo bandakan
padi balapiah di pamatang
basaua-saua batang jarami
Kaba urang hambo kabakan
antah balabiah antah moh kurang
ampun jo maaf panyudahi
Alai alai tabang ka Alai
tabanglah pipik duo tigo
hinggok di rantiang kayu pagaran
Kabalah lamo tabangkalai
kini diulang-ulang pulo
kok untuang jadi palajaran
Ulak alai samaso nantun—maso di jaman panjajahan—maso Ulando mamarentah—tuan Luhak di Bukittinggi—di bawahnyo Damang urang awak—di bawahnyo pulo Asisten Damang—bari kuik Angku Kapalo di nagari—nan mahitam mamutiahkan—mama rentah caro panjajahan.
Ado kapado suatu hari—eten di nugari Kampuang Dalimo—tatalak di Luhak Agam—hari nan sadang harembang patang—sadang paneh patangnyo hari—panch manyinga tak mahangek—duduaklah şurang anak bujang-nan sadang duduak maniangku Jutuik. Bujang banamo Bujang Mansun—sadang duduak hahati hibo—hati nan hibo hibo kian—ayai mato balimbak suruik—mangana
145
