sikola—lai mangaji sampai tamat—tamat Kuraan maso nantun—sarato kaji tantang agamo—elok laku santiang parangai—sayanglah urang dalam kampuang-samo gadang pun sayang pulo. Di sampiang sikolah jo mangaji—baraja pulo inyo basilek—baraja basilek jo Mak Hitam—Pandeka Hitam namo guninyo—tamusahua ka sano sini—bamacam silek dipalajari—sarato tari dangan sewah—Mak Hitam sayang bakeh nuriknyo. Diaja murik langkah tigo—diaja manggayuang sigap mato—sarato sipak jo tarajang—jokok manyantuang bapantang lapeh—kalau mangepoh sarik tagak—jokok basobok urang kanal—bamacam silek diajakan—silek Lintau jo silek Lawang—capek kaki jo ringan tangan—dek lamo bakalamoan—pandai juo si Mansun nantun—lah ampiang samo jo gurunyo.
Kununlah pulo Pandcka Hitam—urang pandeka nan takato—takato bagak kjan kumari—tak ado urang nan tak tahu—sabab dek sayang ka si Mansun—sagalo ilimu alah diajakan—tasalin kasadonyo ka si Mansun—namun di dalam sasarannyo—si Mansun di angkek manjadi guru—guru tuo nan ka mambantunyo maaja sagalo murik lain.
Dek lamo lambek nan bak kian—lah bujang gadang garan si Mansun—umualah labiah tujuah baleh—bukan bak bujang urang nàn banyak—tapakaikan bana taratik sopan—dek lai sikola jo mangaji—ilimu silek dikaji pulo—tapakaikan bana nan sapanjang adat—namakaikan kurenah ilimu padi—kok kian masak tambah marunduak. Inyo panyaba bukan kapalang—salah saketek urang ka awak—dibawonyo galak sanyum sajo—kalau talampau salah urang—dinasihati malah sakali duo—kalau talewat salah urang—sia sajo urang dilawannyo. lyo bana bak kato papatah—musuh nan indak dicari-cari—basuo pantang dilakkan—urang nan data ka samonyo—bia sisunguik marantiang batuang—kalau malewat dari laro—barih balabeh nan lah hilang—kok gadang handak malendo sajo—saba abih bagaknyo tibo—bagak bana bapantang suruik—kok kareh namuah nyo inanakiak—kok lunak namualı nyo manyudu. Kalau maliyek kasabarannyo—anak-anak jadi mampagarahkan—dilawan sajo jo kucikak—garah dibari bakutiko—sambahyang diberi baukatu—baitu sipaik bujang mantun.
Jokok dicaliak rawik badan—badan panjang tinggi samampai—
147
