badan badagok pisik dagiang-urek kawek tulangnyo baja-kok dipandang kawan samo gadang-malah lah ado nan babini-sabab di maso maso nantun-ketek-ketek uranglah babini-awak sajo garan nan balun.
Kok sayang bana urang di awak-sayang kutiko musim manyabik-banyaklah urang nan manyapo-namualı manyuruah makan minum-lah sudah nasi tamakan-ayia saraguak lah taminum-pasangan tibo di kuduak-disuruh manyabik jo mangiriak-disarayo maangkuik padi-itu ka ganti bali nasi-sarato ayla nan taminun-karajo indak nan bagaji. Kalau lah sudah padi pulang-salasai ka sawah jo ka ladang-haram kok ado nan manyapo-surang tak ado maingo lai-kok pai sapainyo sajo-kok pulang sapulangnyo sajo--baitu nasib Bujang Mansun.
Ditiliak pulo adiak kanduang-nan banamo si Upiak Boneh-tingga jo etek dunsanak mandeh-indak panah mahantikan tangan-pagi patang disaruah karajo-bagai kok rancak bana badan-dek ulah marasai hiduik-dek seso juo sapanjang hari-sarupo babu tak bagaji-hiduik manjadi surual-suruhan-mancarikan paruik nan tak makan-mancarikan pungguang tak basaok-sajak paningga mandeh kanduang-mularaik bana badan diri.
Tamanuong si Bujang Mansun-kinilah baru takana bana-tiba pikiran maso nantun-kok dituruikkan sajo nan bak nangko-sayang urang kutiko kuwek-kok tibo sakik badan tabuang-indak siapo nan ka manolong-mularaik badan kasudahannyo-sarato baduo jo adiak kanduang.
Mancaliak kawan samo gadang-nan lah babini mamakaikan adat-ado baranak satu duo-taraso malu mancaliak urang-bala- biah urang pado awak-aposababnyo damikian-apo nan kurang pado urang-orang batangan awak batangan-urang bakaki awak bakaki-baitu pikiran duduak surang. Dek uah duduak bamanuang juo-dalam mangana untuang badan-hari patang batambah sanjo-sanjo bajawek dangan malam-lahı malam candonyo hari-basentak tagak bujang Mansun-dianjua langkah nan gontai-manuju surau pai lalok-indak tarago bapanggang dama-dirabahkan badan tidua bagaluang.
Kami balainyo Lubuak Basuang
rami di anak rang Piaman
148
